Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Супрацоўнік КДБ Угляніца будзе аб’яўлены ў росшук 11:15, 29/08/2001
Старшыня Камітэту дзяржаўнай бясьпекі Беларусі Леанід Ерын сёньня пракамэнтаваў новы скандаль, які разгарэўся пасьля таго, як супрацоўнік ягонага ведамства Генадзь Угляніца абвінаваціў кіраўніцтва краіны ў забойстве былога віцэ-прэм’ера Беларусі Віктара Ганчара і прадпрымальніка Анатоля Красоўскага. Леанід Ерын прызнаў, што Угляніца – адзін зь лепшых, калі ня самы лепшы, супрацоўнік Упраўленьня КДБ па Менску і Менскай вобласьці. З 26 жніўня ён адстунічае на працы й дома. Табельная зброя і службовае пасьведчаньне супрацоўніка знойдзены на ягоным працоўным мейсцы. “На дадзены момант прадпрымаюцца ўсе магчымыя меры па росшуку зьніклага. Праводзіцца службовае расьследаваньне”, - сказаў Леанід Ерын.
Ён падкрэсьліў, што ў адпаведнасьці зь беларускім заканадаўствам у выпадку зьнікненьня чалавека на тэрмін больш за тры дні ёсьць падставы для яго аб’яўленьня ў росшук. “Менавіта гэта, - адзначыў Ерын. –і зьбіраюцца зрабіць праваахоўчыя ворганы сёньня”. Па словах старшыні КДБ, пра зніклага Угляніцу праінфармаваныя памежныя службы.
