Фальсыфікатары будуць адораны пасадамі і падарункамі :: Хартыя'97 :: Навiны

У рэдакцыю “Беларускага часу” трапіў вельмі цікавы дакумэнт, які, нібыта распрацаваны ў адміністрацыі прэзыдэнта. У “Нарматыўным сьпісе форма ўхваленьня прадстаўнікоў выканаўчых ворганаў улады і іншых катэгорыяў кіруючага складу” вызначана градацыя формаў і метадаў узнагароды чыноўнікаў выканкаму, членаў учатковых і тэрытарыяльных выбарчых камісіяў. Дырэктараў буйных прамысловых прадпрыемстваў.

Прадугледжаваецца аплата “працы” па трох умоўных адзінках. Да першай адносяцца старшыні выканкамаў і выбарчых камісіяў, дырэктарат, пад куратарствам якіх вынікі галасаваньня кладуць ня менш за 90% у падтрымку зараз дзейнага прэзыдэнта. У гэтым выпадку прадугледжваецца ўхваленьне ў выглядзе ільготных банкаўскіх субсыдыяў для будаўніцтва індывідуальнага жыльля, набытак па рэшткавым кошце легкавых аўтамабіляў, якія канфіскоўваюцца і рэквізуюцца ў грамадзянаў па рашэньнях суда.

Там, дзе колькасьць электарату Лукашэнкі будзе вагацца ў межах ад 70 да 80%, і “падарункі” больш сьціплыя – павышэньне па пасадзе, уручэньне імпартных тэлевізараў і батавой тэхнікі. Прадстаўнікі трэцяй катэгорыі, якім удасца дасягнуць планкі галасоў электарату Лукашэнкі ў 60%, атрымаюць магчымасьць бясплатна адпачыць ва ўрадавым санаторыі на возеры Нарач ці турыстычных комплексах Упраўленьня справамі прэзыдэнта, а таксама будуць узнагароджаныя грашовымі прэміямі ў памеры аднаго акладу.

Не пазайзросьціш тым чыноўнікам, хто ня справіцца з пастаўленаю задачаю “мінімум” – 50% “за” Аляксандра Лукашэнку. Мяркуецца правесьці зь імі разьбіральніцтва.