Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Бясьсільле АМАПу перад негвалтоўным супрацівам 11:02, 30/08/2001, ЗУБР
Больш за 60 актывістаў руху ЗУБР сталі ў цэнтры Магілёву ў жывы ланцуг 28 жніўня. Маладыя людзі трымалі ў руках партрэты Генадзя Карпенкі, Юры Захаранкі, Віктара Ганчара, Анатоля Красоўскага й Зьміцера Завадзкага. Работнікі міліцыі, што былі паблізу, неадкладна выклікалі падмацаваньне. Міліцыянты патрабавалі разыйсьціся, выпіхвалі ўдзельнікаў ланцуга з ходнікаў, але твары з партрэтаў па-ранейшаму глядзелі на мінакоў.
Праз некалькі хвілінаў, калі пад’ехаў атрад АМАПу, зубры селі на зямлю і ўзяліся за рукі. З боку міліцыі яны атрымалі пінкі, зьдзекі, брыдкаслоўе. Але зубры працягвалі сядзець.
Праз паўгадзіны, калі хлопцы падняліся і сталі разыходзіцца, супрацоўнікі міліцыі затрымалі шасьцёх актывістаў руху. Пяцёра непаўнагадовых перадалі бацькам, а на адну паўнагадовую актывістку руху ЗУБР склалі пратакол па арт.167 КаАП (парушэньне правілаў правядзеньня масавых мерапрыемстваў). Ёй уручылі позву ў суд.
, iнформэр
