Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
КДБ будзе ўзбуджваць крымінальную справу ў сувязі са зьнікненьнем Генадзя Угляніцы 11:09, 31/08/2001
Камітэт дзяржаўнай бясьпекі Беларусі будзе ўзбуджваць крымінальную справу па факту зьнікненьня свайго супрацоўніка Генадзя Угляніцы, паведамляе “Інтэрфакс”. Як адзначаюць у КДБ Беларусі, Генадзь Угляніца зьяўляецца так званым “сакрэтаносьбітам”, гэта значыць, што ён мае доступ да "совершенно секретным" дакумэнтам і “располагает сведениями, составляющими государственную тайну”.
Супрацоўнік упраўленьня КДБ па Менску і Менскай вобласьці Генадзь Угляніца зьнік 26 жніўня. А на наступны дзень СМІ былі перададзеныя відэёкасэты з выкрывальнай інфармацыяй аб дзейнасьці ў Беларусі “эскадрону сьмерці”, мэтаю якога было фізычнае зьнішчэньне палітычных апанентаў Аляксандра Лукашэнкі. У запісу супрацоўнік КДБ Генадзь Угляніца і актывіст арганізацыі “Край” Андрэй Жарнасек – сцьвярджалі, што недалёка ад базы САХРу ў Бягомлі захаваны джып з целамі нібы расстраляных супрацоўнікамі САХРу былога віцэ-прэм’ера Віктара Ганчара і бізнэсоўца Анатоля Красоўскага.
У КДБ адзначаюць, што “ужо практычна праведзена службовае расьсьледаваньне” у сувязі з відэёскандалем, але агучваць ягоныя вынікі там пакуль адмаўляюцца.
, iнформэр
