Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Дзейны старшыня АБСЭ заклікае ўлады да забесьпячэньня роўных умоваў для кандыдатаў у прэзыдэнты 11:13, 04/09/2001
Дзейны старшыня Арганізацыі па бясьпецы й супрацоўніцтву ў Эўропе, глава зьнешнепалітычнага ведамства Румыніі Мірча Джоана заклікае Беларусь забясьпечыць справядлівыя й сумленныя ўмовы для ўсіх кандыдатаў на надыходзячых 9 верасьня прэзыдэнцкіх выбарах. Пра гэта гаворыцца ў заяве Джоаны, апублікаваным у аўторак сакратарыятам АБСЭ ў Вене. Па словах дзейнага старшыні АБСЭ, грамадзкасьць усіх краінаў-членаў АБСЭ будзе сачыць за прэзыдэнцкімі выбарамі ў Беларусі з пільнай увагаю.
Ён выказаў надзею, што выбары ў Беларусі пройдуць з захаваньнем усіх законаў краіны і асноўных прынцыпаў АБСЭ, у тым ліку і забесьпячэньня безадказнай працы Місіі назіральнікаў АБСЭ, якая будзе назіраць за выбарамі.
Мірча Джоана заклікаў беларускія выканаўчыя ўлады ня ўмешвацца ў працу Цэнтральнай выбарчай камісіі і выбарчых камісіяў на месцах.
Дзейны старшыня АБСЭ з жалем канстатаваў, што абставіны не дазваляюць яму асабіста прыехаць у Беларусь, аднак ён спадзяецца на новую пазытыўную фазу ў разьвіцьці Беларусі, якая прывядзе краіну да дэмакратыі, правапарадку і стварэньню грамадзкай супольнасьці.
