Ханс-Георг Вік: беларуская апазыцыя – годная альтэрнатыва аўтарытарнаму рэжыму :: Хартыя'97 :: Навiны

Апазыцыя можа забясьпечыць “годную альтэрнатыву, якая кідае выклік ягонаму аўтарытарнаму рэжыму”, - заявіў глава Кансультатыўна-назіральнае групы (КНГ) АБСЭ ў Беларусі Ханс-Георг у артыкуле, які 4 верасьня апублікавала расейская “Независимая газета”. На думку Віка, нягледзячы на тое, што беларуская дзяржаўная тэлевізыя, радыё і газэты правозяць кампанію ў падтрымку Аляксандра Лукашэнкі – “гэтага ўяўнага “любимого сына страны”, які насамрэч зьяўляецца былым кіраўніком калгасу і афіцэрам памежнага аддзелу КДБ”, - ніхто ня можа з упэўненасьцю прадказаць, якім будзе вынік выбараў. Вік піша, што асноўнымі прычынамі аб’яднаньня беларускай апазыцыі зьяўляюцца “заняпад і дыктатарства” – два слова, якія, на ягоную думку, лепш за ўсё адлюстоўваюць сытуацыю ў Беларусі.

Закрануўшы тэму зьнікненьня апазыцыйных беларускіх палітыкаў, Ханс-Георг Вік піша, што інфармацыя, якая прасачылася з ураду, указвае на датычнасьць да гэтага высокіх чыноўнікаў. “Прэзыдэнта Лукашэнку не прыцягнулі да адказнасьці таму, што ён сканцэнтраваў усю ўладу - выканаўчую, заканадаўчую і юрыдычную - ў сваіх руках”, - піша Вік.

У сваім артукуле ён падкрэсьлівае, што на вынікі беларускіх выбараў вялікі ўплыў акажа пазыцыя Расеі, у асаблівасьці той тон, у якім расейская тэлевізыя асьвятляе прадвыбарчую кампанію.

4 верасьня, у дзень, калі артыкул сп.Віка быў апублікаваны, Аляксандар Лукашэнка паабяцаў “вышвырнуть” кіраўніка КНГ АБСЭ зь Беларусі. Пра гэта ён заявіў 4 верасьня на сустрэчы са сваімі выбаршчыкамі ў Палацы Рэспублікі ў Менску. “Мы его вышвырнем, но после выборов”, - заявіў Лукашэнка.