Самыя дакладныя вынікі галсаваньня будуць аб’яўленыя на Кастрычніцкай плошчы ў Менску :: Хартыя'97 :: Навiны

На думку членаў палітсавету прадвыбарчага штабу Ўладзімера Ганчарыка, што сабраліся на паседжаньне 4 верасьня, шанцы на перамогу адзінага кандыдата дастаткова вялікія. Сацыяльныя апытаньні сьведчаць пра ўстойлівую тэндэнцыю роста рэйтынгу адзінага кандыдата. Між тым, улады спрабуюць сфальсыфікаваць вынікі выбараў, зарпрашаючы грамадзянаў галасаваць датэрмінова. Аднак калі колькасьць датэрмінова прагаласаваўшых складзе 30-40%, то зьявіцца неаспрэчная падстава лічыць выбары сфальсыфікаванымі. Бо ўсе сацыялягічныя апытаньні сьведчаць, што датэрмінова зьбіраецца прагаласаваць толькі 8-10% выбаршчыкаў.

На прэс-канферэнцыі членаў палітсавету выбарчага штабу Ганчарыка было заяўлена, што 5 верасьня ў 23 гарадах Беларусі пройдуць сустрэчы паверанных асобаў адзінага кандыдата ад шырокай грамадзянскай кааліцыі Ўладзімера Ганчарыка з выбаршчыкамі.

Члены палітсавету заявілі аб сваё падтрымцы закліку адзінага кандыдата Ўладзімера Гачарыка, агучанага ў час тэлевізыйнага выступу па БТ, сабрацца 9 верасьня а 20.05 на Кастрычніцкай плошчы, каб даведацца пра вынікі папярэдняга падліку галасоў. На думку палітсавету, улады могуць блякіраваць інфармацыйныя каналы. Таму, толькі сабраўшыся на плошчы, людзі змогуць даведацца пра вынікі галасаваньня, падрыхтаваныя незалежным назіраньнем. А 10 верасьня палітсавет заклікае прыйсьці на плошчу Незалежнасьці да будынку ЦВК, каб даведацца пра афіцыйныя вынікі галасаваньня.

Вечарам 9 верасьня на Кастрычніцкую плошчу зьбіраюцца прыйсьці й члены маладзёвых арганізацыяў Беларусі. У гэты ж час з Берасьці, Маладэчна, Мар’інай Горкі й Барысава актывісты маладзёвагу руху арганізаванай калёнай рушаць у сталіцу.