Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У сераду ўвечары супраць газэты "Пагоня" была заведзена крымінальная справа па артыкуле 367 частка 1 КК - за абразу прэзыдэнта РБ. Крымінальную справу распачаў намесьнік пракурора вобласьці Ўладзімер Аніська. У рэдакцыі сканфіскаваны ўсе кампутары, а таксама 10 750 асобнікаў накладу спэцвыпуску газэты, які яшчэ толькі друкаваўся. Наклад спэцвыпуску павінен быў скласьці 88 тысячаў. Увесь выпуск газэты быў прысьвечаны перадвыбарнай кампаніі. Больш за тое, рэдакцыя пералічыла грошы за друк і завезла неабходную колькасьць паперы.
У нядзелю ў Беларусі выбары прэзыдэнта. У распараджэньні “Паліт.Ру” аказалася эксклюзыўнае інтэрвію адзінага кандыдата ад апазыцыі Ўладзімера Ганчарыка, неапублікаванае ў адной зь незалежных менскіх газэтаў. Як паведамілі “Паліт.Ру” аўтары інтэрвію, “з-за складанай палітычнай сытуацыі ў краіне”. Па просьбе аўтараў інтэрвію, якія апасаюцца ўнутрыкарпаратыўнага канфлікту, “Паліт.Ру” не разгалошвае назоў газэты. Хутчэй за ўсё, інтэрвію не было апублікаванае праз самацэнзуру – рэдакцыя ў выніку ўбачыла ў ім магчымую крыніцу напругі ў адносінах з дзейнай уладай. Але незалежна ад прычынаў, па якіх газэта адмовілася ад прадвыбарчага тэксту, сам факт красамоўна сьведчыць, якія адносіны з прэсай будуе беларускі дзяржаўны апарат.
Дзейнасьць главы Кансультатыўна-назіральнае групы АБСЭ пасла Ханса-Георга Віка “надзвычай разбуральная і падрывае давер да АБСЭ”. Пра гэта на прэс-канферэнцыі ў чацьвер, 6 верасьня, у Менску заявіў віцэ-прэм’ер беларускага ўраду, міністар замежных справаў Міхаіл Хвастоў. На думку Хвастова, дзейнасьць пасла Віка “павінна скончыцца”, бо той носіць “контрпрадуктыўны для арганізацыі характар” Міністар заклікаў кіраўніцтва АБСЭ “задумацца” пра главу місіі ў Беларусі, паведамляе Інтэрфакс.
Прадвыбарчы пэрыяд на Беларусі, калі права на свабоднае самавыказваньне павінна захоўвацца асабліва няўхільна, быў азмрочаны грубымі спробамі ўраду Аляксандра Лукашэнкі прымусіць замаўчаць палітычных апанетаў, заявіла сёньня Міжнародная Амністыя. “Прадвыбарчы пэрыяд трэба разглядаць як магчымасьць для свабоднага і сумленнага абмеркаваньня, і для ўнясеньня на павестку дня сытуацыі з правамі чалавека ў Беларусі, а зусім не для нагнятаньня кампаніі па перасьледу і застрашэньню апазыцыі”, - гаворыцца ў заяве арганізацыі. “Урад Лукашэнкі павінен падцьвердзіць сваю прыхільнасьць да павагі правоў постых беларускіх грамадзянаў выступаць супраць яго”, - гаворыцца ў заяве. “Міжнародная Амністыя будзе лічыць вязьнем сумленьня любога, хто трапіць за краты за мірнае выкарыстаньне гэтах правоў”.
Старшыня Белтэлерадыёкампаніі Валеры Скварцоў памёр уначы з 5 на 6 верасьня. Згодна папярэдняй інфармацыі, гэты яшчэ нестары чалавек памёр у лечкамісіі ад інфаркту – дактары выявілі ў яго анеўрызм аорты ў апошняй стадыі. Нагадаць, кіраўнікоў Белтэлерадыёкампаніі Валеры Скварцоў быў прызначаны менш за два месяцы таму – 17 ліпеня. Пераемнік Віктара Чыкіна, у мінулым сакратар ЦК ЛКСМБ і Саюзу пісьменьнікаў БССР, да апошняга прызначэньня працаваў у галоўным упраўленьні грамадзка-палітычный інфармацыі ўпраўленьня выканкаму “саюзу” Беларусі й Расеі.
Пасьля трыумфнага выйгрышу (4:1!) беларускіх футбалістаў у матчы “Беларусь – Плошча”, балельшчыкі загаварылі пра цікавыя супадзеньні, якія ўжо ператварыліся ў тэндэнцыю. Варта толькі Аляксандру Лукашэнку зьявіцца са сваёй сьвітай на футбольны матч, як беларуская каманда ў большасьці выпадкаў праігрывае. Калі ж Лукашэнкi не відаць ва ўрадавай ложы стадыёна, беларускія спартоўцы выігрываюць. Прычым на дзіва прыгожа.
8, 9 і 10 верасьня для студэнтаў галоўнага ВНУ краіны “свабодныя ад навучаньня”. Менавіта так вырашыла кіраўніцтва Беларускага дзяржаўнага ўнівэрсытэту, калі выносіла распараджэньне, прычына якога наступная: “З мэтаю прадстаўленьня студэнтам магчымасьці аказаць дапамогу бацькам і сваякам у зборы ўраджаю і правядзеньні іншых сельскагаспадарчых працаў у верасьні і з улікам звароту грамадзкіх студэнцкіх арганізацыяў...”
Больш за 60% расейцаў лічаць, што расейскія СМІ асьвятляюць прэзыдэнкую кампанію ў Беларусі недастаткова аб’ектыўна. Толькі 40,2% расейцаў ведаюць, што 9 верасьня ў Беларусі адбудуцца прэзыдэнцкія выбары. 42,7% суграмадзянаў аб гэтым нічога ня ведаюць, а 17,1% наогул цяжка было адказаць на гэтае пытаньне. Такія вынікі рэпрэзэнтатыўнага сацыялягічнага апытаньня, праведзенага ў канцы жніўня Ў 19 гарадох Расеі Цэнтрам сацыялягічных дасьледваньняў Фонду нацыянальнай і міжнароднай бясьпякі пры ўдзеле Саюзнай грамадзкай палаты.
Индэкс спажывецкіх коштаў у студзені-ліпені 2001 году, па дадзеных Статкамітэту СНД, у Азэрбайджане вырас на 1,7%, у Армэніі – на 3,3%, у Беларусі – на 73,5%, у Грузыі – на 6,0%, у Казахстане – на 9,1%, у Кіргізыі - на 8,7%, у Малдове – на 13,0%, у Расеі – на 13,2% (дадзеныя Дзяржкамстату Расеі), у Таджыкістане – на 50,0%, на Ўкраіне – на 15,8%. Дадзеных па Туркмэністану і Ўзбекістану няма.
Суладальнік канцэртнага агенцтва МСТ (Нямеччына) Скумэт Сабботка, глава нямецкой фірмы Falcone-Musik-Vezlag-Management-Production Фалько Рыхтэр і журналіст гамбургскага штодзёньніка Die Woche, які доўга працаваў Дзірк Браўнс заявілі на сваім брыфінгу ў Гомлі, што маюць намер ажыцьцявіць грандыёзны “чарнобыльскі” праэкт - арганізоўваць ў гэтым абласным цэнтры, што пацярпеў ад радыяцыі канцэрт мегазорак заходняй эстрады, сярод якіх беларусы пабачаць Мадону, Стынга, U-2, R.E.M.
Ніякага маскоўскага цэнтру “Незалежная палітычная экспертыза” ў прыродзе не існуе. “Аналітычная нататка” “Аперацыя “Белы бусел” пра нібы падрыхтоўку да зьвяржэньня Лукашэнкі падрыхтавана ў нетрах Савету Бясьпекі і перадзеная адтуль для публікацыі ў “Советскую Белоруссию”. Расейская газэта “Московский комсомолец” ў сёньняшнім нумары сцьвярджае, што ейны супрацоўнік патэлефанаваў у “Советскую Белоруссию” і пад імем карэспандэнта камуністычнай газэты “Рабочая трибуна” высьветліў, што ніякага інстытута не існуе. У рэдакцыі “СБ” наўпрост сказалі, што нататка перадзеная ім з Савету Бясьпекі.
Візыт губернатара Удмуртыі Волкава ў Беларусь, які той заплянаваў па ўласнай ініцыятыве, да 9 верасьня не адбудзецца. Па інфармацыі маскоўскіх СМІ, адміністрацыя Крамля засталася вельмі незадаволенай ініцыятываю Волкава паехаць і падтрымаць Лукашэнку перад выбарамі. Таму губернатар, які знаходзіцца ў залежнасьці ад Масквы, атрымаў загад нікуды ня езьдзіць.
Рэдакцыйны калектыў незалежнай баранавіцкай газэты “Шаг” выступіў са зваротам да грамадзкасьці ў сувязі з уціскам з боку ўладаў на свабоду слова і перашкодамі чынавенства іх прафэсыйнай дзейнасьці. “Мы, журналісцкі калектыў газэты “Шаг”, а таксама рэклямны аддзел, бухгальтэрыя і тэхнічныя супрацоўнікі, хочам працаваць свабодна, без усялякага ўціску з боку каго-небудзь і аб’ектыўна, у рамках закону і агульнапрынятых нормаў маралі выкладаць сваё меркаваньне і свой пункт гледжаньня на падзеі”, - заявілі яны.
Августовская «оперетта» 11:10, 06/09/2001, Людмила Грязнова, депутат Верховного Совета, член оргкомитета Хартии’97
Нынешние президентские выборы в Беларуси проходят при нарушении гражданских прав – гарантии неприкосновенности личности, гражданских свобод, права граждан сменить правительство – и недостойного цивилизованного государства отношения к международным расследованиям возможных нарушений прав человека.
Адзіны кандыдат ад шырокай грамадзянскай кааліцыі Ўладзімер Ганчарык зьвярнуўся напярэдадні выбараў да членаў выбарчых камісіяў з заклікам не перашкаджаць незалежнаму назіраньню, строга кіравацца Канстытуцыяй, выбарчым заканадаўствам Беларусі, міжнароднымі прававымі нормамі правядзеньня свабодных і справядлівых выбараў. “Я гатовы падпарадкавацца выбару народа, якім бы ён не быў. Але толькі выбару НАРОДА. У ВАШЫХ сілах адгародзіць волю выбаршчыкаў ад дэспатызму!” - заявіў Уладзімер Ганчарык.
АРЦІКЛЬ 19, сусьветная кампанія за свабоду слова, сёньня распаўсюджвае справаздачу “Механізм рэпрэсіяў: абноўленыя дадзеныя аб выбарах прэзыдэнта”. Напярэдадні прэзыдэнцкіх выбараў гэтая справаздача распавядае пра шырокамаштабны наступ уладаў на незалежныя СМІ з мэтаю забесьпячэньня гарантыі перавыбраньня Аляксндра Лукашэнкі.
Аб пасьпяховым сканчэньні расьсьледаваньня крымінальнае справы па абвінавачваньню ў шпіянажы грамадзяніна Італіі Анжэла Антоніо Піу паведаміў 5 верасьня Цэнтар інфармацыі і грамадзкіх сувязяў КДБ. Сп.Піу, уладальнік і дырэктар замежнага прадпрыемства “Анірсавіда”, быў арыштаваны беларускімі спэцслужбамі яшчэ 18 красавіка гэтага году. Больш за чатыры месяцы супрацоўнікі КДБ захоўвалі ў сакрэце ня толькі прозьвішча падазронага ў шпіянажы, але і ягоную грамадзянскую датычнасьць. Напэўна, гэты факт бераглі да выбараў, каб у чарговы раз прадэманстраваць электарату “злобную сущность Запада”.
Інтэрвію начальніка СІЗА №1 Алега Алкаева трасьляваў учора расейскі тэлеканал НТБ. Былы начальнік СІЗА №1 Алег Алкаеў яшчэ раз падцьвердзіў датычнасьць беларускіх уладаў да выкраданьняў і забойстваў Віктара Ганчара, Анатоля Красоўскага, Юры Захаранкі й Зьміцера Завадзкага. На шматмільённую аўдыторыю Алег Алкаеў, адзін з аўтараў скандальных дакумэнтаў, агучаных Уладзімерам Ганчарыкам, аб’явіў, што рапарты, якія сьведчаць пра тое, што “расстрэльны” пісталет зь менскага СІЗА па распараджэньні міністра ўнутраных справаў Юры Сівакова выдаваўся менавіта ў тыя дні, калі ў краіне зьнікалі вядомыя людзі, сапраўдныя.
7 верасьня ў дзень народзінаў Віктара Ганчара Аб’яднаная грамадзянская партыя ў рамках кампаніі “Хочам ведаць праўду!” праводзіць акцыю “Ланцуг неабыкавых людзей” каля рэзыдэнцыі Лукашэнкі (К.Маркса,38). Пачатак мерапрыемства а 12.00. У той самы дзень актывісты АГП правядуць яшчэ адну акцыю на радзіме Віктара Ганчара, у Лідзе, з 17.00 да 18.00.
Заява з патрабаваньнем разгледзіць пытаньне аб адмене рэгістрацыі кандыдата ў прэзыдэнты Аляксандра Лукашэнкі за парушэньне дзейнага заканадаўства накіравала ў Цэнтрвыбаркам Валянціна Палевікова – кіраўнік штабу кандыдата ў прэзыдэнты Ўладзімера Ганчарыка. Як адзначаецца ў заяве, да кампаніі бесперапыннай агітацыі за Лукашэнку падключылася і мясцовая “вертыкаль”, пад кіраўніцтвам якой выдадзеныя сотні тысячаў асобнікаў прапагандысцкай літаратуры.
Аляксандар Лукашэнка працягвае актыўна выкарыстоўваць адміністратыўны рэсурс падчас прадвыбарчай кампаніі. 5 верасьня Галоўнае ўпраўленьне грамадзка-палітычнай інфармацыі Адміністрацыі Прэзыдэнта накіравала па каналах БЕЛТА спэцпаведамленьне для рэдактараў абласных газэтаў. У ім кіраўнікам абласных перыядычных выданьняў настойліва “рэкамэндуецца” перадрукаваць у бліжэйшых нумарах чарговы ўхвальны артыкул пра Лукашэнку. У прыватнасьці, абласным газэтам прыйдзецца перадрукаваць з “Советской Белоруссии” артыкул “Праграма Прэзыдэнта - праграма для народа”.
Намесьнік старшыні Брэсцкай абласной камісіі па выбарах прэзыдэнта Беларусі і старшыня Брэсцкага райвыканкаму Канстанцін Бабко, карыстаючыся службовым становішчам, заклікаў прысутных на раённай нарадзе работнікаў райспажыўсаюзу падтрымаць на выбарах дзейнага прэзыдэнта, і больш таго, выступіць у ролі агітатараў за Аляксандра Лукашэнку. Сваімі дзеяньнямі, паведамляе ГІ “Незалежнае назіраньне” Канстанцін Бабко груба парушыў ч.11 арт.37 ВК РБ. Як намесьнік старшыні Брэсцкай аблкамісіі па выбарах прэзыдэнта й старшыня Бэсцкага раённага выканаўчага камітэту ён не мае права агітаваць за ці супраць кандыдата ў прэзыдэнты.
Калі пры ўладзе застанецца Аляксандар Лукашэнка, Беларусь ператворыцца ў транзытны прыдадак Усходу для транспартыроўкі прыродных рэсурсаў на Захад. Такое меркаванььне выказаў былы пасол Беларусі ў Латвіі, Эстоніі і Фінляндыі, былы прэтэндэнт у кандыдаты на пост прэзыдэнта Міхаіл Марыніч, артыкул якога апублікаваны ў нумары “БДГ” 5 верасьня.
, iнформэр
