Мадона й Стынг будуць сьпяваць у Гомлі? :: Хартыя'97 :: Навiны

Суладальнік канцэртнага агенцтва МСТ (Нямеччына) Скумэт Сабботка, глава нямецкой фірмы Falcone-Musik-Vezlag-Management-Production Фалько Рыхтэр і журналіст гамбургскага штодзёньніка Die Woche, які доўга працаваў Дзірк Браўнс заявілі на сваім брыфінгу ў Гомлі, што маюць намер ажыцьцявіць грандыёзны “чарнобыльскі” праэкт - арганізоўваць ў гэтым абласным цэнтры, што пацярпеў ад радыяцыі канцэрт мегазорак заходняй эстрады, сярод якіх беларусы пабачаць Мадону, Стынга, U-2, R.E.M.

Па словах удзльнікаў нямецкай дэлегацыі, яны закляпочаныя тым, што праз 15 гадоў пасьля чарнобыльскай катастрофы ўсе сталі забываць пра Беларусь. На думку Дзірка Браўнса, “краіна ў цэнтры Эўропы памірае і, па сутнасьці, гэта нікога не цікавіць”.

За падтрымкаю арганізатары канцэрту маюць намер зьвярнуцца да беларускага ўраду, федэральнага Міністэрства навакольнага асяродзьдзя Нямеччыны, нямецкім палітыкам, арганізацыям “Грынпіс” і “Дактары супраць атамнай энэргіі”. Ад гомельскіх уладаў патрабуецца забясьпечыць на тэрыторыі горада ці вобласьці адкрытую пляцоўку на 50 тыс.ці больш гледачоў.

Сродкі, выручаныя ад канцэрту Мадоны, Стынга і іншых заходніх зорак, ягоную трансьляцыю па MTV, рэалізацыі кампакт-дыскаў, аўдыё і відэёкасэтаў, футболак, плякатаў і іншай атрыбутыкі мяркуецца накіраваць на будаўніцтва новых шпіталяў і рамонт старых.