Хартыя'97 :: Навiны

Тысячи листовок, призывающих студентов не голосовать досрочно, помогая тем самым властям сфальсифицировать результаты выборов, а прийти на участки непосредственно в день президентских выборов - 9 сентября, были разбросаны сегодня активистами движения ЗУБР в нескольких ведущих вузах страны. Зубры буквально забросали учебные корпусы вузов листовками, распространяя их как внутри, так и около вузов.

Белорусский гей-парад собрал около 100 человек. Они прошли по тротуару проспекта Скорины от Госцирка до Администрации Лукашенко. Ни одного сотрудника спецслужб или милиции, которые мешали бы проведению этой несанкционированной акции, рядом не оказалось. Таким образом, подтверждается информация о том, что этот парад проведен при негласной поддержке властей, так как до сегодняшнего дня все попытки его проведения заканчивались неудачей. Один из высоких милицейских чинов, все же замеченный нами недалеко от места проведения этой странной акции, в приватной беседе возмутился – почему им (милиционерам) приказывают разгонять мирные акции с участием обычных граждан, а этот парад приказали не трогать.

Нягледзячы на руплівую падрыхтоўку ўсіх шматлікіх сустрэчаў, якія праводзяць на фінішы выбарчай гонкі сёньняшні прэзыдэнт Аляксандар Лукашэнка, і адбор людзей, цікавы выпадак адбыўся ў горадзе Барысаў Менскай вобласьці. Адзін з рабочых, які выпадкова стаяў у натоўпе ля главы прэзыдэнта, асьмеліўся і задаў яму пытаньне: “Чаму вы сыходзіце ў адстаўку? Бо яшчэ ў 1994 годзе Вы, Аляксандар Рыгоравіч, абяцалі, што калі жыцьцё не палепшыцца праз два гады, то самі адмовіцеся ад пасады прэзыдэнта”.

Позна ўвечары 6 верасьня супрацоўнікі міліцыі АУС Чыгуначнага раёну Гомлі правялі вобыск у офісе гомельскага адзьдзяленьня арганізацыі “Зубр”, які ня мае афіцыйнай рэгістрацыі. Пасьля 20 гадзінаў міліцыянты падманлівым чынам праніклі ў кватэру, якую здымаюць зубры, і пачалі вобыск. У гэты час у офісе знаходзілася некалькі маладых людзей. Вобыск працягваўся амаль да поўначы. А пасьля міліцыянты канфіскавалі кампутар, друкарку, ксэракс, каля 1 тысячы налепак з выяваю бел-чырвона-белага сьцяга і гербу “Пагоні”, аўдыёкасэты і 12 балёнчыкаў фарбы. Таксама канфіскавалі вялікую колькасьць маек з лёзунгамі “Барані сваё!” і “Хочам ведаць праўду!” з выявамі зьніклых бяз зьвестак Віктара Ганчара, Анатоля Красоўскага, Зьміцера Завадзкага і Юры захаранкі. Міліцыя не прад’явіла ніякай санкцыі на правядзеньне вобыску .

Рэчыцкая міжраённая пракуратура ўзбудзіла крымінальную справу адносна 24-гадовай актывісткі Аб’яднанай грамадзянскай партыі Наталі Брэль. Маладую жанчыну зьмесьцілі за краты толькі за тое, што яна прынесла ў Рэчыцкую тэрытарыяльную камісію па выбарах падарунак для главы дзяржавы. Унутры скрутка аказалася вяроўка, завязаная пятлёю, кусок мыла, жаночая касмэтыка, шмат малюнкаў з надпісамі сацыяльна-палітычнага характару і папрасіла яго перадаць асабіста Аляксандру Лукашэнку. Сэнс ейнай акцыі ў тым, што для вас, Алякандар Рыгоравіч, пры такім жыцьці і апошняга не шкада.

Супрацоўнікі Міністэрства юстыцыі і Пракуратуры паведаміла сёньня члену праўленьня АТ “Фонд імя Льва Сапегі” Міраславам Кобасу (таксама ён зьяўляецца каардынатарам праграмы паралельнага падліку галасоў) пра свой намер правесьці плянавую праверку дзейнасьці арганізацыі. Але на справе яны зацікавіліся іншым, а менавіта сьпісамі назіральнікаў вылучаных ад арганізацыі.

Кіраўніцтва шэрагу беларускіх вну аб’явіла выкладчыкам, што яны павінны забясьпечыць яўку ўсіх студэнтаў на прэзыдэнцкія выбары. Пры гэтым супрацоўнікам вну далі зразумець, што студэнты павінны прагаласаваць датэрмінова, і абавязкова за Лукашэнку. Як паведамляе www.barcnews.org, рэктар Віцебскага дзяржаўнага ўнівэрсытэту Русецкі паведаміў супрацоўнікам унівэрсытэту, што студэнты абавязкова павінны прыйсьці на выбарчыя вучасткі, прычым на датэрміновае галасаваньне. Для гэтага 8 верасьня замест заняткаў студэнтаў трэба накіраваць на выбары.

Гей-парад, правядзеньне якога заплянавана сёньня ў Менску, зьяўляецца правакацыяй беларускіх спэслужбаў. Ейная мэта – дыскрэдытацыя беларускай апазыцыі і фактычная перамога на выбарах Лукашэнкі. Як стала вядома прэс-цэнтру Хартыі’97, адзін з кіраўнікоў гей-аб’яднаньня “Лямбда” Эдвард Тарлецкі зьяўляецца агентам Камітэту дзяржбясьпекі. Сёньняшняя заява арганізатараў гей-параду ў падтрымку апазыцыі зьяўляецца сапраўднай правакацыяй. Цікавая дэталь – да 7 верасьня ў Менску не адбыўся ні адзін з трох заплянаваных раней гей-парадаў. І толькі сёньня ўлады чамусьці дазволілі ягонае правядзеньне.

Сёньня а поўдні, з нагоды 44-годзьдзя віцэ-сьпікера Вярхоўнага Савету Віктара Ганчара ля будынку рэзыдэнцыі прэзыдэнта сабраліся сябры і калегі зьніклага па Вярхоўнаму Савету, жонкі рэпрэсаваных палітыкаў і проста людзі неабыякавыя да зьнікненьня вядомых палітыкаў. Людзі сталі ў ланцуг насупроць рэзыдэнцыі Лукашэнкі і трымалі ў руках патрэты зьніклых Віктара Ганчара, Анатоля Красоўскага, Юры Захаранкі, Зьміцера Завадзкага, памерлых пры загадкавых абставінах Анатоля Майсені, Генадзя Карпенкі, палітвязьняў Андрэя Клімава і Валеры Шчукіна. У акцыі “Ланцуг неабыякавых людзей” таксама прымалі ўдзел маці загінулых ў мірны час беларускіх салдатаў.

Інфармацыя па праграме паралельнага падліку галасоў была сабраная з 5,89% (4 верасьня), 6,35% (5 верасьня) і 5,92 (6 верасьня усіх вучасткаў Рэспублікі Беларусь. Участкі былі адабраныя мэтадам сацыялягічнай выбаркі і раўнамерна прадстаўляюць усе рэгіёны краіны. Па інфармацыі, якая паступіла ад назіральнікаў ГІ “Незалежнае назіраньне” у першыя тры дні датэрміновага галасаваньня прагаласавала 8,4% выбаршчыкаў.

6 верасьня лідэр “Маладога фронту” Паўла Севярынца выклікалі ў Камітэт дзяржаўнай бясьпекі Беларусі для допыту ў сувязі з выбухам, які адбыўся на тэрыторыі амбасады Расеі ў Менску 30 траўня гэтага году.

Чарговы факт умяшальніцтва расейскіх грамадзянаў у прадвыбарчую кампанію ў Беларусі зафіксаваны ў Маладэчне. 1 верасьня 2001 году ў “Маладзечанскай газэце” зьмешчана нататка “Блакітныя бярэты – за!”. Са зьместа гэтай нататкі вынікае, што ансамбль Міністэрства абароны Расеі “Блакітныя бярэты” падчас сваіх выступлаў праводзіў агітацыю ў падтрымку кандыдата ў прэзыдэнты Лукашэнкі. У гэтай нататцы гаворыцца, што ўсе выдаткі, зьвязаныя са знаходжаньнем у нашай краіне сьпевакоў-дэсантнікаў з Расеі, узяла на сябе Беларуская чыгунка.

У адносанах Расеі й Беларусі на фоне прэзыдэнцкіх выбараў у апошняй, і, уласна, у больш шырокай рамцы – у адносінах Расеі й Захаду, - угадваецца гульня самых розных палітычных сілаў. Па-першае, левая апазыцыя Расеі – яна падтрымлівае Лукашэнку (“Заўтра”, “Пятая калёна, ці Бухгальтэрыя здрадніцтва”) і адначасова ўтварае блёк супраць лібэральнага Цэнтру і вярбуе незадаволеных у сілавых структурах (плятформа 43”). Ідэялягічная аснова – захадафобія.

На сэрвэры "Дранікі" нарадзіўся новы прадвыбарчы праэкт"Дабраахвотны інфарматар". Канцэпцыя рэсурсу заключаецца ў бязьлітаснай барацьбе за чысьціню сецявых зносінаў. А больш канкрэтна, у аналізе і выкрываньні патокаў дэзынфармацыі. Якія штатныя супрацоўнікі КДБ і дабраахвотныя памочнікі распаўсюджваюць у беларускім сэгмэнце Інтэрнэту.

Элізабэт Шрэдэр (фракцыя зялёных, Нямеччына), віцэ-прэзыдэнт дэлегацыі Эўрапейскага Парлямэнту па Беларусі будзе прымаць удзел у назіраньні за прэзыдэнцкімі выбарамі ў Беларусі, прызначанымі на 9 верасьня 2001 году. Дэлегацыя прыбудзе ў Менск 7 верасьня і спыніцца ў гатэлі «Плянета». Першая ацэнка выбараў будзе абвешчана ў панядзелак 10 верасьня. У праграме візыту заплянаваны шэраг сустрэчаў з прадстаўнікамі БДІПЧ і КНГ АБСЭ, замежнымі пасламі акрэдытаванымі ў Менску, кандыдатамі на пост прэзыдэнта Беларусі або іх прадстаўнікамі, рэдактарамі вядучых дзяржаўных і незалежных газэтаў, кіраўніцтвам Цэнтрвыбаркаму і прадстаўнікамі няўрадавых арганізацыяў.

Прадстаўнікі праўленьня Беларускай асацыяцыі журналістаў сустрэліся з першым намесьнікам старшыні Дзяржкамітэту па друку Ўладзімерам Глушаковым, які на дадзены момант выконвае абавязкі дырэктара прыватнай друкарні «Мэджык», паведамляе прэс-цэнтар БАЖ. Кіраўнікі журналісцкай арганізацыі перадалі чыноўніку ліст з патрабаваньнем спыніць умяшальніцтва ў дзейнасьць рэдакцыяў недзяржаўных СМІ. «З моманту прызначэньня Вас на пасаду адбылося некалькі падзеяў, якія, сьведчаць аб ажыцьцяўленьні Вамі цэнзуры», - гаворыцца ў лісьце.

Першы віцэ-сьпікер Вярхоўнага савету Беларусі 13 скліканьня, старшыня Цэнтральнай выбарчай камісіі бясьсьледна зьнік у Менску 16 верасьня 1999 году. Разам са сваім сябрам, бізнэсоўцам Анатолем Красоўскім Ганчар вяртаўся дадому. Трошкі пазьней на мяркуемым месцы выкраданьня – вуліцы Фабрычнай – былі знойдзеныя рэшткі шкла аўтамабілю і кроў выкрадзеных...

Старшыня палітсавету партыі “Саюз правых сілаў” Барыс Нямцоў адправіў учора ўрадавую тэлеграму, у якой выказаў адзінаму кандыдату ад шырокай грамадзянскай кааліцыі Ўладзімеру Ганчарыку падтрымку й салідарнасьць у барацьбе з рэжымам Лукашэнкі. “Паважаны Ўладзімер Іванавіч! Ад імя дэмакратаў хаасу выказаць Вам шчырую падтрымку ў барацьбе за пост Прэзыдэнта Беларусі. Улічваючы няпростую палітычную сытуацыю ў Вашай краіне, неабходна аддаць належнае мужнасьці, якая спатрэбілася асабіста Вам, каб рашыцца на адкрытую барацьбу з дзейным прэзыдэнтам. У Вашай асобе мы вітаем намаганьні беларускай апазыцыі, накіраваныя на дэмакратызацыю беларускага грамадзтва”.

Больш 60 прадстаўнікоў беларускай грамадзкасьці – вядомыя пісьменьнікі, паэты, палітыкі й сваякі рэпрэсаваных апанентаў рэжыму – зьвярнуліся з ультыматыўнай заявай да беларускіх уладаў. Згодна заяве, беларускія ўлады маюць 48 гадзінаў, каб прадставіць доказы сваёй недатычнасьці да арганізацыі й выкраданьню апанентаў гэтага рэжыму. У процілеглым выпадку, у людзей будуць усе падставы сцьвярджаць, што адказнасьць за тое, што здарылася, ляжыць на сёньняшнім рэжыме.

Напярэдадні выбараў адзіны кандыдат ад шырокай грамадзянскай кааліцыі Ўладзімер Ганчарык выступіў са зваротам да беларускіх выбаршчыкаў, у якім яшчэ раз падцьвердзіў намер выканаць пасьля перамогі на прэзыдэнцкіх выбарах усе ўзятыя на сябе абавязацельствы перад беларускім народам. “Я, Уладзімер Ганчарык, адзіны кандыдат ад шырокай грамадзянскай кааліцыі, хачу Вам, паважаныя выбаршчыкі, паведаміць наступнае. Я і мая каманда выпрацавалі ўзгодненыя прапановы і заключылі шэраг пагадненьняў. Пагадненьняў, які павінны былі кансалідаваць нашае грамадзтва і вызначыць будучыню нашй краіны”, - гаворыцца ў звароце. Тэкст звароту цалкам чытайце ніжэй.

Дзеці зьніклых і загадкава памерлых апазыцыянэраў зьвярнуліся з адкрытым лістом да маладых грамадзянаў Беларусі. Частка звароту адрасаваная наўпрост дзецям Лукашэнкі, Шэймана, Сівакова і Паўлічэнкі.

Высокапастаўленыя дзяржаўныя чыноўнікі настолькі няўпэўненыя ў перамозе свайго “патрона”, што пры кожным зручным моманце просяць, пагражаюць і патрабуюць ад падначаленых аказаць падтрымку Аляксандру Лукашэнку. Рэктар Беларускага дзяржаўнага ўнівэрсытэту Аляксандар Казулін, у выступе перад студэнтамі з нагоды пачатку новага навучальнага году, адкрыта заклікаў з усіх прагаласаваць на прэзыдэнцкіх выбарах “за” Лукашэнку. Рэктар Беларускага дзяржаўнага медычнага ўнівэрсытэту Павал Беспальчук прапанаваў замежным студэнтам, якія пражываюць у інтэрнатах №4 і №6. прагаласаваць датэрмінова і на выходныя адправіцца дадому. Студэнтам аб’явілі, што ў пятніцу яны могуць не зьяўляцца на заняткі.

Увесь дзень 6 верасьня ў школах горада Жодзіна на ўсю йшло датэрміновае галасаваньне. Сотні людзей з сумнымі тварамі ішлі і ішлі па выбарчыя вучасткі – дырэктары школы ў загадалі сваім педагогам галасавць датэрмінова.