Віцэ-прэзыдэнт дэлегацыі Эўрапарлямэнту па Беларусі Элізабэт Шрэдэр будзе назіраць за выбарамі :: Хартыя'97 :: Навiны

Элізабэт Шрэдэр (фракцыя зялёных, Нямеччына), віцэ-прэзыдэнт дэлегацыі Эўрапейскага Парлямэнту па Беларусі будзе прымаць удзел у назіраньні за прэзыдэнцкімі выбарамі ў Беларусі, прызначанымі на 9 верасьня 2001 году. Дэлегацыя прыбудзе ў Менск 7 верасьня і спыніцца ў гатэлі «Плянета». Першая ацэнка выбараў будзе абвешчана ў панядзелак 10 верасьня. У праграме візыту заплянаваны шэраг сустрэчаў з прадстаўнікамі БДІПЧ і КНГ АБСЭ, замежнымі пасламі акрэдытаванымі ў Менску, кандыдатамі на пост прэзыдэнта Беларусі або іх прадстаўнікамі, рэдактарамі вядучых дзяржаўных і незалежных газэтаў, кіраўніцтвам Цэнтрвыбаркаму і прадстаўнікамі няўрадавых арганізацыяў.

Эўрапейскяі інстытуты, аб`яднаныя ў Парлямэнцкую Тройку, і прадстаўнікі АБСЭ прынялі рашэньне 5 ліпеня 2001 г. накіраваць кансалідаваную місію назіраньня за выбарамі ў Рэспубліку Беларусь.

На сустрэчы 5 верасьня дэлегацыяй Эўрапарлямэнту было вырашана наведаць Менск з афіцыйным візытам. Гэтае рашэньне асноўвалася на пагадненьні аб супрацоўніцтве, падпісаным Бюро па дэмакратычных інстытутах і правох чалавека, хоць, безумоўна даць ацэнку праведзеным выбарам за двое сутак прадстаўляецца справаю няпростай.

У сваёй дзейнасьці місія назіраньня будзе асноўвацца на чатырох крытэрах, распрацаваных у 2000г., як неабходнай умове далейшай дэмакратызацыі Беларусі: празрыстасьць выбарчага працэсу, допуск апазыцыі да дзяржаўных СМІ, адсутнасьць дыскрымінацыі ў адносінах да палітычных апанентаў і наданьне парлямэнту рэальных паўнамоцтваў. Місія мае намер выляцець авіярэйсам зь Менску апоўдні 10 верасьня.