Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Студэнтаў прымушаюць галасаваць за Лукашэнку 11:17, 07/09/2001
Кіраўніцтва шэрагу беларускіх вну аб’явіла выкладчыкам, што яны павінны забясьпечыць яўку ўсіх студэнтаў на прэзыдэнцкія выбары. Пры гэтым супрацоўнікам вну далі зразумець, што студэнты павінны прагаласаваць датэрмінова, і абавязкова за Лукашэнку. Як паведамляе www.barcnews.org, рэктар Віцебскага дзяржаўнага ўнівэрсытэту Русецкі паведаміў супрацоўнікам унівэрсытэту, што студэнты абавязкова павінны прыйсьці на выбарчыя вучасткі, прычым на датэрміновае галасаваньне. Для гэтага 8 верасьня замест заняткаў студэнтаў трэба накіраваць на выбары.
Рэктар таксама патлумачыў, што студэнты павінны галасаваць за Лукашэнку, за ягоныя “намаганьні, накіраваныя на разьвіцьцё беларускага грамадзтва без шокавых хваляваньняў, за ўвагу да праблемаў моладзі. нацыянальнай культуры, навукі, мастацтва”. Па дадзеных журналістаў, штосьці такое адбылося і ў Магілёўскім дзяржаўным унівэрсытэце, рэктар якога зьяўляецца павераннай асобай кандыдата ў прэзыдэнты Аляксандра Лукашэнкі.
, iнформэр
