Міністэрства юстыцыі і Пракуратура цікавяцца сьпісамі незалежных назіральнікаў :: Хартыя'97 :: Навiны

Супрацоўнікі Міністэрства юстыцыі і Пракуратуры паведаміла сёньня члену праўленьня АТ “Фонд імя Льва Сапегі” Міраславам Кобасу (таксама ён зьяўляецца каардынатарам праграмы паралельнага падліку галасоў) пра свой намер правесьці плянавую праверку дзейнасьці арганізацыі. Але на справе яны зацікавіліся іншым, а менавіта сьпісамі назіральнікаў вылучаных ад арганізацыі.

Кобаса адмовіўся адчыніць офіс арганізацыі і прадставіць ім сьпісы назіральнікаў, спаслаўшыся на адсутнасьць у яго такіх паўнамоцтваў (па статуту арганізацыі гэта мог бы зрабіць старшыня). У адказ работнікі пракуратуры сказалі, што яны складуць акт аб адмове прадставіць ім сьпісы назіральнікаў, і апошнія ня будуць дапушчаныя па выбарчыя вучасткі. Кобаса яшчэ раз зьвярнуў увагу на тое, што ён не адмаўляецца прадстаўляць інфармацыю, а проста ня мае паўнамоцтваў на такія дзеяньні.

Калі да офісу сталі пад’язджаць журналісты, супрацоўнікі міністэрства юстыцыі і Пракуратуры выдаліліся і нічога не сказалі аб верагодным разьвіцьці падзеяў надалей. У сваю чаргу Кобаса лічыць, што хутка гэтая гісторыя атрымае свой працяг.