Сямён Домаш заклікае беларусаў ісьці на выбары з пачуцьцём адказнасьці за дзяцей і ўнукаў :: Хартыя'97 :: Навiны

Сямён Домаш, кіраўнік палітычнага савету штабу адзінага кандыдата Ўладзімера Гачарыка, заклікае грамадзянаў Беларусі зрабіць 9 верасьня “правільны выбар” і прагаласаваць за адзінага кандыдата ад дэмакратычных сілаў. Пра гэта гаворыцца ў звароце Домаша да беларускага народа. “9 верасьня ў нашай краіне пройдуць выбары другога прэзыдэнта Рэспублікі Беларусь. Заўтра Беларусь стане на гістарычным раздарожжы. І ад нас з вамі залежыць, куды яна накіруецца ў трэцім тысячагодзьдзі – ці на ўласную дарогу, каб ісьці па ёй да сваёй будучыні, ці на крутую сьцяжынку, якая блытаецца на збочынах чужой дарогі”, - гаворыцца ў звароце Домаша. На такую “лёсаносны рубеж”, падкрэсьлівае ён , беларусы “павінны выходзіць з пачуцьцём адказнасьці перад гісторыяй, перад сваімі дзецьмі і ўнукамі”. Менавіта пачуцьцё грамадзянскай адказнасьці павінна аб’яднаць беларусаў у гэты пэрыяд. Чытайце тэкст звароту цалкам.

“Паважаныя Грамадзяне Беларусі!

9 верасьня ў нашай краіне пройдуць выбары другога Прэзыдэнта Рэспублікі Беларусь.

Праз 3 дні Беларусь стане на гістарычным раздарожжы, і ад нас з Вамі будзе залежыць, куды яна накіруецца ў трэцім тысячагодзьдзі – ці на ўласную дарогу, каб ісьці па ёй да сваёй будучыні, ці на крутую сьцяжынку, якая блытаецца на збочынах чужой дарагі”, - гаворыцца ў звароце Домаша. На такую “лёсаносную мяжу”, падкрэсьлівае ён , беларусы “павінны выходзіць з пачуцьцём адказнасьці перад гісторыяй, перад сваімі дзецьмі і ўнукамі. Самыя лепшыя якасьці нашага народу – працаздольнасьць, сумленнасьць, ініцыятыўнасьць, талерантнасьць, дабрыня – павінны працаваць для Беларусі. Нас усіх павінна аб’ядноўваць пачуцьцё грамадзянскай адказнасьці за лёс нашай Радзімы.

Гэтыя словы заклікаюць усіх, хто зьяўляецца сапраўдным патрыётам нашай Айчыны, разам будаваць “Дом Наш – Беларусь”.

Наш народ мае багатую і славутую гісторыю. За намі стаіць ваяры Грундвальскай бітвы, дзяржаўныя дзеячы Вялікага княства Літоўскага, героі нацыянальна-вызвольных паўстаньняў, апосталы нацыянальнага адраджэньня пачатку ХХ стдз., барацьбіты супраць фашызму апошняй вайны.

Мы з Вамі павінны быць годнымі нашай вялікай гісторыі.

Асобна зьвяртаюся да маладых людзей, якія ўвасабляюць сабой будучую Беларусь. Тую Беларусь, да якой мы імкнемся, якую мы будуем у сваіх марах. А хутка пабудуем і ў рэальным жыцьці.

Сёньня, як ніколі, мы разам з Вамі павінны сілаю свайго духу аджывіць тыя каменныя раўнадушныя сэрцы, якіях яшчэ шмат у нашай краіне. Мы маем адзіна любімую – Беларусь. Усе мы хочам, каб нашая краіна была свабоднай і багатай, а яе людзі шчасьлівымі. І ажыцьцявіць гэта можна, толькі калі мы ўсе разам пабудуем “Дом Наш – Беларусь”, у якім нам жыць.

Толькі разам мы зможам рэалізаваць сваю “беларускую мару”. Мы зможам гэта зрабіць, і так будзе, калі 9 верасьня зробім правільны выбар! А правільны выбар – гэта выбар Уладзімера Ганчарыка, зь якім мы зьвязваем надзею на лепшую будучыню нашай дзяржавы.

Я ўпэўнены , што так і будзе. Асабіста я веру ў гэта!

Маё сэрца баліць за родную Беларусь і таму я жадаю Ўладзімеру Ганчарыку перамогі, а ўсяму беларускаму народу шчасьця і дабрабыту!”.

На гэты час Сямён Домаш знаходзіцца ў 1-м клінічным шпіталі Менску з дыягназам “гіпертанічная крыза”. Паводле апошняй інфармацыі, Домашу прыйдзецца правесьці там яшчэ два тыдні.