Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Пуцін лічыць, што Лукашэнку час сыйсьці ў гісторыю 11:10, 08/09/2001, www.yusnews.com
Сапраўдную аплявуху Аляксандру Лукашэнку за два дні да выбараў прэзыдэнта нанёс расейскі лідэр Уладзімер Пуцін.
Адказваючы на пытаньне аб адносінах да беларускіх выбараў, прэзыдэнт Расеі вымавіў стандартны набор фразаў - што гэтыя выбары неабыякавыя для Расеі і што народ Беларусі сам павінен зрабіць свой выбар. Нягледзячы на тое, што Ў.Пуцін прывёў прозьвішча Лукашэнкі і нават ухваліў ягонае імкненьне да саюзнай дзяржавы, асноўная сэнсавы цяжар заявы расейскага прэзыдэнта лёг на "саюзную дзяржаву". А першы прэзыдэнт Беларусі быў згаданы ў наступным кантэксьце: "Барыс Ельцын і Аляксандар Лукашэнка былі ініцыятырамі саюзу двух краінаў". назіральнікі адзначылі, што Пуцін не сказаў: "Я і Лукашэнка будуем саюзную дзяржаву". А супастаўленьне з пэнсыянэрам Ельцыным стала абражальным для Лукашэнкі намёкам на тое, што яму таксама час на сьметнік гісторыі.
