Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У штаб-кватэры ЗБС апісаныя прадвыбарчыя матэр’ялы і атрыбутыка 11:11, 08/09/2001
У менскай штаб-кватэры грамадзкага аб’яднаньня “Задзіночаньне беларускіх студэнтаў" (ЗБС) прадстаўнікі праваахоўчых ворганаў 7 верасьня апісалі прадвыбарчыя матэр’ялы і атрыбутыку. “Нашае зьяўленьне ў штаб-кватэры ЗБС выклікана шэрагам прычынаў”, - паведаміла БелаПАН супрацоўнік пракуратуры Рэспублікі Беларусь Дар’я Лебедзева. Па ейных словах, “ёсьць скаргі, зьявяныя з тым, што ў апошні час у Менску распаўсюджваецца друкаваная прадукцыя невядомага паходжаньня”.
Намесьнік старшыні рады ЗБС Вольга Кузьміч, у сваю чаргу, адзначыла, што гэта ня першы выпадак наведваньня офісу аб’яднаньня прадстаўнікамі праваахоўчых ворганаў. Па ейных словах, чыноўнікі маглі б даўно зачыніць ЗБС, але баяцца гэта зрабіць напярэдадні прэзыдэнцкіх выбараў. “Тыя абвінавачваньні, якія сёньня вылучылі супроць нас праваахоўчыя ворганы, не адпавядаюць сапраўднасьці і не зьяўляюцца для нечаканаымі”, - падкрэсьліла Вольга Кузьміч.
