Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Канфіскавана абсталяваньне яшчэ дзьвюх грамадзкіх арганізацыяў 11:20, 08/09/2001
Канфіскавана тэхніка ў магілёўскай філіі Фонду імя Льва Сапегі і шклоўскай філіі Рэспубліканскага клюбу выбаршчыкаў. 6 верасьня вечарам у офіс магілёўскай філіі Фонду імя Льва Сапегі ўварваліся каля 15-ці супрацоўнікаў міліцыі. Без тлумачэньня сваіх дзеяньняў і без прад’яўленьня адпаведных дакумэнтаў яны канфіскавалі ўсю аргтэхніку, якая знаходзілася ў офісе. Кіраўніку філіі Ўладзімеру Шанцаву не паведамілі куды вывозіцца абсталяваньне арганізацыі. Канфіскавана – тры кампутары, факс.
У той самы дзень у г. Шклове, Магілёўская вобл. была канфіскаваная аргтэхніка і ўвесь наклад газэты “Шклоўскія навіны” (300 асобнікаў) у раённай філіі Рэспубліканскага клюбу выбаршчыкаў. Дзеяньнямі міліцыя кіраваў Долаў Васіль Аляксеевіч. Па факце канфіскацыі кампутара, друкаркі, сканэра і факс-мадэму і газэтаў быз складзены акт.
Рэспубліканскі клюб выбаршчыкаў і Фонд імя Льва Сапегі – грамадзкія арганізацыі, якія прымаюць актыўны ўдзел у кампаніі “Незалежнае назіраньне”.
