Джозэф Прэсэл: Беларусь практычна цалкам ізалявана ад эўрапейскіх краінаў :: Хартыя'97 :: Навiны

“Нас больш не задавальняе нават ня тое, што выбары ў Беларусі не былі нi свабоднымі, ні справядлівымі. Хоць гэта, вядома, таксама непрымальна. Нас не задавальняе, што за гэтыя гады Беларусь зусім не прасунулася ў накірунку выбарчых стандартаў цывілізаванага сьвету. Беларусь хутчэй зрабіла крок у зваротным накірунку. Беларусь практычна цалкам ізалявала сябе ад іншых эўрапейскіх краінаў, нягледзячы на тое, што геаграфічна яна частка эўрапейскага кантыненту”, -заявіў у інтэрвію Радыё Свабода пасол Джозэф Прэсэл, кіраўнік дэлегацыі ЗША на штогадовай канферэнцыі АБСЭ “Чалавечае вымярэньне”, якая сёлета праходзіць у Варшаве.

«Вокруг Беларуси – демократические страны, и она является единственной страной такого “Вакол Беларусі – дэмакратычныя краіны, і яна зьяўляецца адзінай краінай такога роду ў АБСЭ, - заявіў Джозэф Прэсэл. - На жаль, мы ня можам зрабіць больш, чым працягваць палітычную ізаляцыю Беларусі. Мы хочам, каб беларускія ўлады зразумелі, што мы і надалей будзем працягваць палітычную ізаляцыю. Адначасова мы хочам сказаць - і гэта вельмі важна. Мы не сварымся зь беларускім народам. Гэта – нашая паступовая пазыцыя. Справа менавіта ў справядлівасьці выбараў. Прадпрымаць якія-небудзь асаблівыя крокі вельмі цяжка. Лепшае, што мы можам зрабіць – гэта настойваць на свай пазыцыі адносна выбараў. Беларусы павінна ведаць, рух іхняй краіны насустрач агульнапрынятым дэмакратычным стандартам будзе патрэбным чынам успрыняты Захадам”.