Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
“Белпошта” зноў ударыла па кішэні незалежных СМІ 11:02, 24/09/2001
Беларуская асацыяцыя журналістаў выказала пратэст чарговаму павышэньню - у паўтары разы – тарыфаў на паслугі рэспубліканскага дзяржаўнага аб’яднаньня “Белпошта”. Як паведамляе прэс-служба БАЖ, на днях рэдакцыі недзяржаўных газэтаў атрымалі ад “Белпошты” ліст аб фармаваньні падпіснога каталёгу на першае паўгодзьдзе 2002 году. У лісьце паведамляецца, што тарыфы на паслугі сувязі, якія будуць прымяняцца “Белпоштай”, вырасьлі ў 1,47 разы.
БАЖ нагадвае, што яшчэ ў сакавіку гэтага году кіраўніцтва БАЖ і рэдакцыі пяці недзяржаўных газэтаў зьвярталіся ў Міністэрства прадпрымальніцтва і інвестыцыяў Беларусі, якое кантралюе выкананьне антыманапольнага заканадаўства. Заявіцелі патрабавалі прызнаць дзейнасьць аб’яднаньня “Белпошта” ў частцы ўсталяваньня дыскрымінацыйных тарыфаў на паслугі па распаўсюду недзяржаўнай прэсы. Міністэрства прадпрымальніцтва і інвестыцыяў заявіла, што “Белпошта” злоўжывае сваім пануючым становішчам на рынку, аднак прадпісаньні аб спыненьні такой дзейнасьці, як патрабавалі заявіцелі, ня вынесла.
У сувязі з гэтым кіраўніцтва БАЖ зноў зьвярнулася ў Міністэрства прадпрымальніцтва і інвестыцыяў з патрабаваньнем ад чыноўнікаў адказу аб дзеяньнях, прадпрынятых па папярэдняй заяве БАЖ і пяці недзяржаўных газэтаў.
