Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
ПАСЭ: выбары ў Беларусі прайшлі з парушэньнем міжнародных стандартаў 11:17, 24/09/2001
Пра гэта гаворыцца ў справаздачы Парлямэнцкай асамблеі Савету Эўропы, якая ажыцьцяўляла назіраньне за ходам прэзыдэнцкіх выбараў у Беларусі. Гэтая справаздача была прадстаўленая 24 верасьня кіраўніком місіі назіраньня ПАСЭ Стэфанам Горысам на паседжаньні лібэральнай групы Парлямэнцкай асамблеі. Паседжаньне групы праходзіла ў рамках распачалай сёньня сэсіі ПАСЭ. Чакаецца, што 25 верасьня справаздача пра ход прэзыдэнцкіх выбараў у Беларусі будзе прадстаўлена на пленарным паседжаньні ПАСЭ. Нагадаем, што ў 1997 годзе статус спэцыяльна запрошанага для Беларусі ў ПАСЭ быў спынены. У сувязі з гэтым дэлегацыі ад Вярхоўнага савету 13-га скліканьня і “нацыянальнага сходу” не прымаюць удзелу ў пленарных паседжаньнях ПАСЭ, але могуць кантактаваць з эўрапейскмі парлямэнтарамі ў кулуарах, а таксама прысутнічаць на паседжаньнях палітычных групаў і фракцыяў. Пытаньне аб ўзнаўленьні статусу спэцыяльна запрошанага для Беларусі падчас восеньскай сэсіі абмяркоўвацца ня будзе.
, iнформэр
