Андрэй Саньнікаў: Лукашэнка зарэкамендаваў сябе як агрэсіўны праціўнік НАТА :: Хартыя'97 :: Навiны

Канферэнцыя, прысьвечаная зносінам краінаў Балтыі НАТА, прайшла ў канцы мінулага тыдня ў Латвіі. Канферэнцыю наладзіла латышская арганізацыя ў падтрымку Альянсу ЛАТА. У форуме прымалі ўдзел міністар замежных спрваў Латвіі, міністар абароны Карл Білд, былы прэм’ер Швэцыі, прадстаўнікі Нямеччыны, ЗША, у прыватнасьці пасланцыі місіі ЗША ў НАТА ў Брусэлі, прадстаўнікі Расеі, Скандынавіі. Краіны Балтыі і Латвію, у прыватнасьці, цікавіла і тое, што адбываецца на Беларусі, палітычныя працэсы ў краіне, адносіны уладаў і апазыцыі да пашырэньня НАТА да межаў Беларусі. У сувязі з гэтым на канфэрэнцыю быў запрошаны былы намесьнік міністра замежных справаў Беларусі, міжнародны каардынатар Хартыі’97 Андрэй Саньнікаў. Ён быў адзіным прадстаўніком Беларусі на гэтай канферэнцыі.

“Удзельнікаў канферэнцыі цікавіла, як разьвіваюцца падзеі ў Беларусі, што адбываецца пасьля прэзыдэнцкіх выбараў менавіта таму, што Беларусь знаходзіцца на мяжы тых краінаў, якія імкнуцца да членства ў НАТА – Латвіі й Літвы. Гэта ўплывае на сытуацыю ў рэгіёне. – паведаміў Андрэй Саньнікаў. – У мяне была размова з намесьнікам міністра замежных спрваў Латвіі, які вельмі сур’ёзна цікавіўся падзеямі ў Беларусі. Ён заявіў, сытуацыя ў краіне непакоіць уладу і грамадзтва Латвіі. Выступоўцы казалі пра тое, што сёньня, перш за ўсё, неабходна ўмацоўваць прынцыпы дэмакратыі. Барацьба супраць тэрарызму – гэта ўмацаваньне дэмакратыі й падтрымка правоў чалавека ў сьвеце. Зьнешняя палітыка Лукашэнкі правалілася, бо ён зарэкамендаваў сябе ня толькі як кіраўнік дзяржавы, які выступае супраць НАТА, але і які выступае вельмі агрэсіўна. Гэта рабілася, каб спадабацца Расеі, пэўным сілам у Расеі. Зараз, пасьля вядомых заяваў Пуціна аб тым, што Расея гатовая ўмацаваць адносіны з НАТА і імкнецца да больш цеснага супрацоўніцтва, заявы Беларусі прагучалі сьмешна. Беларускія ўлады апынуліся ў сытуацыі, калі яны не адсочвалі тое, што адбывалася”.