Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Першая чарга памежнага пераходу “Новая Гута” гатовая да здачы 11:02, 13/11/2001
Першая чарга памежнага пераходу “Новая Гута”, дзе йдзе рэканструкцыя, рыхтуецца да здачы. Яе ўрачысты пуск прызначаны на 15 лістапада. Пра гэта карэспандэнту БЕЛТА паведамілі ў Гомельскай мытні. “Новая Гута”—аб’ект на мяжы паміж Беларусьсю і Ўкраінай. Менш чым месяц таму рамонтна-будаўічыя працы тут праінспэктаваў міністар транспарту й камунікацыяў Міхаіл Баравы падчас сваёй працоўнай паездкі на Гомельшчыну. Па словах міністра, пасьля заканчэньня працаў у “Новай Гуце” прапускная здольнасьць памежнага пераходу павялічыцца ў тры разы, а яе поўную рэканструкцыю прызначана скончыць да 25 сьнежня гэтага году.
Зараз пункт пропуску аўтатранспарту пашыраецца, ужо гатовая дадатковая паласа кантролю аўтамабіляў, пабудаваны адміністратыўны будынак, ствараецца неабходная інфраструктура для забесьпячэньня працы мытных і памежных служб.
На пуск першай чаргі абноўленага пераходу ў Новай Гуце 15 лістапада чакаюць прадстаўнікоў мытных служб і дыпляматычных ведамстваў Беларусі, Ураіны й Расеі.
, iнформэр
