Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Запазычанасьць прадпрыемстваў АПК у Беларусі пераўзышла 1 трыльён 11:03, 15/11/2001
Агульная запазычанасьць сельскагаспадарчых прадпрыемстваў Беларусі набліжаецца да 1,1 трыльёна рублёў. Такія зьвесткі абнародаваў на прэс-канферэнцыі 14 лістапада намесьнік міністра сельскай гаспадаркі і харчаваньня Анатоль Рубанік. Паводле ягоных словаў, у названую суму ўвходзяць даўгі за энерганосьбіты, па крэдытах, пазыках, працэнтах і г.д. "Без дапамогі дзяржавы выйсьці з такога становішча будзе вельмі-вельмі складана", - адзначыў намесьнік міністра.
Запазычанасьць па заробках у сельскай гаспадарцы на сёньняшні дзень складае 23 мільярды рублёў. Пры гэтым колькасьць стратных гаспадарак у Беларусі працягвае расьці. Як паведаміў Рубанік, калі ў 2000 годзе на сяле налічвалася 1.185 стратных гаспадарак (48,2 адсоткаў), то па выніках 2001 года, паводле папярэдніх зьвестак, іх колькасць узрасце да 1.400. Адпаведна паменшыцца колькасьць прыбытковых сельскіх гаспадарак - з 1.072 у 2000 годзе да 942 па выніках гэтага году.
, iнформэр
