Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Былыя міністры засталіся без працы 11:05, 15/11/2001
Чым сёньня займаюцца былыя міністры ўраду, якія пазбавіліся сваіх пасадаў пасьля прэзыдэнцкіх выбараў? Як паведамляе Радыё Свабода, былы старшыня беларускага ўраду Ўладзімер Ярмошын, па зьвестках ягонай сям’і, знаходзіцца ў адпачынку за межамі Беларусі. Датстакова цяглы час застаюцца беспрацоўнымі былы міністар абароны Аляксандар Чумакоў і экс-міністар культуры Аляксандар Сасноўскі, якіх Лукашэнка звольніў яшчэ да прэзыдэнцкіх выбараў. За бортам новага ўраду аказалася і Вольга Даргель – былы міністар сацыяльнай абароны. Але яна ўжо перайшла мяжу, якая дазваляе атрымоўваць пэнсію. А вось экс-міністар аховы здароўя Ігар Зелянкевіч яшчэ не дасягнуў пэнсійнага ўзросту. Дзе ён будзе працаваць далей, пакуль невядома.
А вось былы віцэ-прэм’ер Міхаіл Дзямчук ужо ўладкаваўся на дзяржаўную службу. Паколькі ён акадэмік Нацыянальнай акадэміі навук, то ён вярнуўся ў Беларускую політэхнічную акадэмію. Праўда, ня рэктарам (а менавіта з гэтай пасады ён прыйшоў ва ўрад), а кіраўніком цэнтра лазернай фізікі.
Яшчэ адзін былы намесьнік старшыні Валеры Кокараў пакуль у Расеі. Сцьвярджаюць, што ён мае намер заняцца бізнэсам у нафтавай галіне – менавіта той, якой ён кіраваў, калі быў віцэ-прэм’ерам. Экс-міністар адукацыі Васіль Стражаў таксама пакуль “думае, чым бы заняцца”.
Аналітыкі зьвяртаюць увагу на тое, што пры рэфармаваньні ўраду пацярпелі перш тыя, хто меў менскія намэнклятурныя карані. Гэта і Ярмошын, і Дзямчук, і Кокараў, І Стражаў, І Зелянкевіч, і Даргель.
, iнформэр
