Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
«Палатка» прыняла бюджэт у лепшых традыцыях – бяз шуму і пылу 11:17, 16/11/2001
Закон пра бюджэт на 2002 год, распрацаваны Мінфінам і ўнесены ў парлямэнт Аляксандрам Лукашэнкам, прыняты ў першым чытаньні. За гэтае рашэньне прагаласавала 64 дэпутаты, супраць - 25. У працяг учорашняга скандалу з прыбыткамі ад продажу зброі стала вядома, што ў 2002 годзе на спэцыяльныя пазабюджэтныя рахункі будзе атрымана больш за 36 мільярдаў рублёў (каля 24 мільёнаў даляраў).
Прыбытковая частка кансалідаванага бюджэту складзе 7,5 трыльёнаў беларускіх рублёў. Асноўную частку прыбыткаў у бюджэт плянуецца атрымаць за кошт паступленьня падаткаў на даданую вартасьць, падаходнага падатку й прыбыткаў ад правядзеньня апэрацыяў.
Міністар фінансаў Мікалай Корбут адзначыў, што паступленьні ад падаткаў на даданую вартасьць плянуецца павялічыць на 17%, а паступленьні ад акцызаў зьменшацца. Заплянаваныя выдаткі кансалідаванага бюджэту-2002 - 7,9 трыльёнаў рублёў. Гэта болей, чым сёлета.
, iнформэр
