Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Савет Эўропы вылучае ўмовы. Палітычны Камітэт ПАСЭ пасылае дэлегатаў 11:19, 20/11/2001
На сёньняшнім паседжаньні ў Вільні Палітычны Камітэт Парлямэнцкай Асамблеі Савету Эўропы пастанавіў паслаць у Беларусь дэлегацыю для перамоваў з прадстаўнікамі ўлады, апазыцыі й недзяржаўных арганізацыяў. Пра гэта Радые Балтыйскія Хвалі паведаміў кіраўнік літоўскай арганізацыі ў Палітычным Камітэце ПАСЭ Енас Чакуоліс, які прымаў удзел у паседжаньні Палітычнага Камітэту, дзе сёньня абмяркоўвалася сытуацыя ў Беларусі. Чакуоліс таксама паведаміў, што нядаўна Генэральны сакратар Савету Эўропы Вальтэр Швіммер адправіў беларускім уладам ліст, у якім былі выкладзеныя чатыры ўмовы, пры выкананьні якіх Савет Эўропы аднавіў бы дыялёг зь Беларусьсю. Гэтыя ўмовы – узмацненьне паўнамоцтваў парлямэнту, адмена сьмяротнага пакараньня, незалежнасьць сродкаў масавай інфармацыі й заснаваньне інстытута амбудсмэну. Дарэчы, Літва гатовая падзяліцца зь Беларусьсю досьведам пры заснаваньні інстытута амбудсмэну, аднак чакае, пакуль беларускія ўлады праявяць гатоўнасьць прыняць гэты досьвед.
, iнформэр
