Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Прадпрымальнікі патрабуюць адмены дэкрэтна-указной сыстэмы 11:10, 21/11/2001
Беларускі саюз прадпрымальнікаў гатовы напрацягу трох дзён падрыхтаваць і прадаставіць праэкт дэкрэту прэзыдэнта, які стаў бы ягоным апошнім дэкрэтам у галіне эканомікі. Пра гэта прэзыдэнт БСП Аляксандар Патупа заявіў 20 лістапада на прэс-канферэнцыі ў Менску, арганізаванай адразу пасьля завяршэньня парлямэнцкіх слуханьняў па праблемах разьвіцьця прадпрымальніцтва ў Беларусі. На думку Патупы, калі адменены толькі дэкрэт №40 (аб магчымасьці пазасудовай канфіскацыі маёмасьці – БелаПАН), а не сама дэкрэтна-указная сыстэма, то няма ніякіх гарантыяў, што гісторыя не паўторыцца. І не зьявіцца зноў штосьці непрымальнае для прадпрымальніцтва.
Як паведаміў кіраўнік БСП падчас выступу ў Авальнай залі Дому ўраду з 5 хвілінным даклядам, ён вобразна паспрабаваў патлумачыць дэпутатам, што будзе з прадпрымальніцтвам у Беларусі, калі яно і надалей будзе існаваць па-за стабільным прававым полем, калі прэзыдэнцкім указам, дэкрэтам ці нават тэлефонаграмай можна зьмяняць ці адмяняць існуючыя законы. Праўда, наўрадці ён пачуты “кішэнным парлямэнтам”.
, iнформэр
