Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У Беларусі адроджана праваслаўная інквізіцыя 11:14, 21/11/2001, «Наша Свабода»
Тры сьвятары Менскай епархіі Беларускага экзархату Рускай праваслаўнай царквы – Пётр Бодак, Вячаслаў Гнедзько і Леанід Пляц – былі прымусовым чынам пазбаўленыя свайго сану за «раскольніцкую дзейнасьць» і «парушэньне іярэйскай прысягі на вернасьць Царкве і яе свяшчэннаначальлю».
Рашэньне аб пазбаўленьні сану, прынятыя Сінодам Беларускага экзархату, зацьвярджалася ў Маскве – 2 лістапада яго падпісаў Патрыярх Маскоўскі і Ўсея Русі Аляксій ІІ.
«Раскольніцкая дзейнасьць» – гэта мусіць быць заклік да стварэньня нацыянальнай, Беларускай праваслаўнай царквы.
Як вядома, і ў Беларусі, і ў Расеі царква намінальна – па канстытуцыі – адасоблена ад дзяржавы. Але ў абедзьвюх краінах РПЦ надзвычай прэтэндуе на тое, каб стаць духоўным пастырам усіх грамадзянаў, нават і ў прымусовым парадку.
Пазбаўленьне сану – адкрытая інквізыцыйная акцыя, якая нагадвае пра звычку сярэднявечча. Спасылкі нібыта на кананічную тэрыторыю Рускай праваслаўнай царквы нельга прымаць усур’ёз, ведаючы, што рускае праваслаўе прыйшло на Беларусь пасьля яе акупацыі расейскімі войскамі напрыканцы 18-га стагоддзя пасля падзелаў Рэчы Паспалітай.
, iнформэр
