Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Абаронцы Курапатаў знаходзяцца ў жахлівых умовах ізалятару 11:17, 21/11/2001
Вечарам 19 лістапада з ізалятару часовага ўтрыманьня аддзяленьня міліцыі Менскага раёну, пасьля сямісутачнага арышту быў адпушчаны рок-музыка Хведар Жывалеўскі. Хлопец утрымліваўся ў адной камеры зь лідэрам Маладога Фронту Паўлам Севярынцам. Да адміністратыўнай адказнасьці яны былі прыцягнутыя за правядзеньне несанкцыянаванай акцыі супраць будаўніцтва Менскай кальцавой аўтадарогі ў раёне мэмарыяльнага комплекса Курапаты, дзе захаваныя ахвяры сталінскіх рэпрэсіяў.
Са словаў Хведара Жылеўскага, умовы ўтрыманьня ў ІЧУ яшчэ горшыя, чым у вядомым спэцпрыёмніку-разьмеркавальніку ГУУС Менгарвыканкаму на вуліцы Акрэсьціна. Па словах Хведара Жывалеўскага, у камеры, дзе яны ўтрымоўваліся, колькасьць людзей даходзіла да 12, хоць камера разьлічана на восем – многім даводзілася спаць на падлозе. У камеры было поўна клапоў, на тры дні была адключаная вада. Харчаваньне складалася з гарбаты, куска хлеба ўраніцу і ўвечары, а ў абед – баланда. Перадачы не прымаліся.
Пасьля адбыцьця дзесяцісутачнага арышту за правядзеньне акцыі пратэсту ў Курапатах, Паўлу Севярынцу трэба будзе адбыць яшчэ сем сутак за правядзеньне антыфашыстоўскай акцыі ў Менску.
, iнформэр
