Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Эўрапэйская супольнасьць працягвае патрабаваць ад Лукашэнкі выкананьня чатырох умоваў 11:16, 26/11/2001
Тое, што правядзеньне адносна Беларусі палітыкі ізаляцыі прызнана контрпрадуктыўным, ня сьведчыць пра адмаўленьне ад прад’яўленых да яе патрабаваньняў з боку эўрапэйскай супольнасьці. Пра гэта 26 лістапада падчас сустрэчы са старшынём “палаты прадстаўнікоў” Вадзімам Паповым заявіла кіраўнік працоўнай групы па Беларусі Парлямэнцкай Асамблеі АБСЭ Ута Цапф.
Нагадаем, што такіх патрабаваньняў чатыры – пашырэньне паўнамоцтваў парлямэнту; дэмакратызацыя выбарчага заканадаўства; стварэньне клімату даверу й доступ апазыцыі да дзяржаўных СМІ.
Па словах Уты Цапф, прэзыдэнцкія выбары ў Беларусі нельга прызнать дэмакратычнымі і ў поўнай меры адпаведнымi міжнародным выбарчым стандартам.
Яна паведаміла, што гэты візыт прадстаўнікоў працоўнай групы ПА АБСЭ па Беларусі мае некалькі мэтаў: па-першае, гэта традыцыйны маніторынг грамадзка-палітычных працэсаў, а, па-другое, -- атрыманьне матэрыялу для падрыхтоўкі дакляду працоўнай групы да лютаўскага паседжаньня Сталага камітэту ПА АБСЭ. На ім будзе разглядацца пытаньне аб ўзнаўленьні статусу Беларусі ў гэтай структуры.
, iнформэр
