Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У Беларусі працягваюць скарачацца аб`ёмы біржавых зьдзелак з замежнымі валютамі 11:07, 28/11/2001
Аб`ёмы зьдзелак з замежнымі валютамі на Беларускай валютна-фондавай біржы працягваюць скарачацца.
Паводле зьвестак біржы, сумарны аб`ём зьдзелак за мінулы тыдзень склаў 50 мільярдаў 621 мільён 768 тысяч беларускіх рублёў. У параўнаньні з аб`ёмам, зафіксаваным тыдзень таму, гэта менш на 4 мільярды 944 мільёны 329 тысяч беларускіх рублёў. На таргах было рэалізавана 274 мільёны 651 тысяча расейскіх рублёў, 20 мільёнаў 930 тысяч даляраў ЗША, 3 мільёны 61 тысяча эўра.
У параўнаньні з папярэднім тыднем аб`ёмы зьдзелак у валюце зьмяніліся наступным чынам: па расейскім рублі зьнізіліся на 12 мільёнаў 713 тысячаў, па даляры ЗША зьнізіліся на 2 мільёны 949 тысяч, па эўра вырасьлі на 87 тысячаў.
Зьмяненьне каціровак па асноўных валютах, што выстаўляюцца на таргі, такое: расейскі рубель зьнізіўся на 0,07 пункты, даляр ЗША, наадварот, вырас на 5 пунктаў, каціроўка эўра па выніках тыдня не зьмянілася.
