Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Датацыяў амаль у 1,5 мільярды рублёў 11:22, 28/11/2001
атрымаюць да канца году некалькі беларускіх прадпрыемстваў. Урад Беларусі прыняў рашэньне аб выдзяленьні бюджэтнай пазыкі, а таксама датацыі з бюджэту, агульная сума якіх пераўзыходзіць 1 мільярд 400 мільёнаў рублёў.
Як вынікае з пастановаў Савету Міністраў, бюджэтную пазыку ў памеры 422 мільёнаў рублёў атрымае рэспубліканскае унітарнае прадпрыемства "Гарадзенскі завод медычных прэпаратаў" для ажыцьцяўлення праграмных мерапрыемстваў па ўкараненьні новых тэхналягічных працэсаў і асваеньні новых відаў прадукцыі зь вяртаньнем яе штомесячна роўнымі долямі з 1 студзеня па 31 сьнежня 2004 года. Мінфін павінен заключыць дагавор аб умовах выдачы і вяртання пазыкі, а гарантам яе пагашэньня даручана выступіць Беларускаму дзяржаўнаму канцэрну па вытворчасьці й рэалізацыі фармацэўтычнай і мікрабіялагічнай прадукцыі.
Датацыя ў памеры 1 мільярда рублёў выдзяляецца ААТ "Віцебскі маслаэкстракцыйны завод" са сродкаў рэспубліканскага бюджэту, прадугледжаных канцэрну "Белдзяржхарчпрам" на фінансаваньне шэрагу мерапрыемстваў у галіне сельскай гаспадаркі, для кампэнсацыі выдаткаў па закупцы ў сельскагаспадарчых арганізацыяў алейнага насеньня рапсу ўраджаю 2001 года і ўтанненьня вытворчасьці рапсавага алею.
