Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Чытачы “Брестского курьера” выступаюць у абарону любімага выданьня 11:27, 28/11/2001
Берасьцейскі гарвыканкам дазволіў правядзеньне ў Берасьці пікетаў у падтрымку газэты "Брестский курьер", якія пройдуць 29 і 30 лістапада на стадыёне "Будаўнік". Заяўкі былі пададзены ад гарадзкой арганізацыі Беларускай сацыял-дэмакратычнай партыі (Народная Грамада) і групы грамадзян, сябраў Беларускага Гэльсінскага камітэту. Як патлумачыў БелаПАН адзін з заяўнікаў Анатоль Ляўковіч, яны мелі намер пікетаваць будынак абласной друкарні. Аднак гарадзкія ўлады па традыцыі месцам правядзеньня пікетаў вызначылі стадыён "Будаўнік", які знаходзіцца на ўскрайку горада.
Прычынай сваёй акцыі берасьцейцы называюць канфлікт паміж рэдакцыяй газеты "Брестский курьер" і друкарняй. Нагадаем, што 46-й нумар газэты быў надрукаваны ў Смаленску. Падставай для адмовы друкаваць газэту ў Берасьці дырэктар друкарні Васіль Каленікаў назваў тое, што ў "Брестского курьера" ёсьць папярэджаньне Міністэрства інфармацыі Беларусі.
