Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
З пачатку году ў Беларусі зафіксавана 3.000 000 адміністратыўных пакараньняў 11:09, 03/12/2001
З пачатку 2001 году ў Беларусі зафіксавана каля трох мільёнаў выпадкаў прыцягненьня грамадзянаў да адміністратыўнай адказнасьці. Але такая вялікая лічба, на думку міністра ўнутраных справаў Уладзімера Навумава, не адлюстроўвае сапраўднага становішча ў краіне.
Справа ў тым, што часта адміністратыўныя пратаколы складаюцца толькі “для галачкі”, каб паказаць “актыўную працу” міліцыі. Ёсьць факты, калі ўчастковыя ў пагоні за валам складаюць пратаколы, нават не сустракаючыся з “правапарушальнікамі”. Акрамя таго, адзначыў Уладзімер Навумаў, зафіксаваны такі выпадак – адміністратыўны пратакол быў складзены адносна... памерлага грамадзяніна. Такая “дзейнасьць” самым негатыўным чынам уплывае на аўтарытэт міліцыі, падрывае давер да супрацоўнікаў органаў унутраных спраў, лічыць глава МУС.
