Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Беларускія партыі вызначыліся з дэлегатамі ў ПА АБСЭ 11:12, 03/12/2001
Кансультатыўны савет апазыцыйных палітычных партыяў назваў імёны тых, хто будзе прадстаўляць ягоныя інтарэсы ў Парлямэнцкай Асамблеі АБСЭ. Гэта -- лідэр Аб’яднанай грамадзянскай партыі Анатоль Лябедзька, намесьнік старшыні Беларускай сацыял-дэмакратычнай партыі (Народная Грамада) Уладзімер Нісьцюк і намесьнік старшыні беларускай партыі жанчын “Надзея” Наталля Хрусталёва.
У другой палове лютага наступнага году Сталы камітэт ПА АБСЭ зноў вернецца да разгляду беларускага пытаньня, паколькі зараз адносна парлямэнту Беларусі ў гэтай міжнароднай арганізацыі выбраная канцэпцыя “пустога крэсла”. Плянуецца, што ў Вену запросяць дзьве беларускія дэлегацыі --ад уладаў і палітычнай апазыцыі. Калі гэта адбудзецца, то інтарэсы апазыцыі і будуць прадстаўляць Лябедзька, Нісьцюк і Хрусталёва. Калі хтосьці зь іх ня здолее адправіцца ў Вену, то ягонае месца зойме прадстаўнік Ліберальна-дэмакратычнай партыі.
