Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Ноччу з чацьвярга на пятніцу ў Курапатах заставаліся 8 валантэраў з руху супраціву ЗУБР, БПС і арганізацыі Маладых сацыял-дэмакратаў. У пятніцу будаўнікі праклалі трубы вадасьцёку, прычым валантэры дабіліся, каб вадасьцёк быў накіраваны ў бок возера Цна, але не да Курапатаў.
Па словах валантэраў, з будаўнікамі ў іх склаліся дастаткова нармалёвыя адносіны, і тыя нават абяцалі дапамагчы ў справе ўстаноўкі ў лягеры палявой капліцы для малебнаў. Абаронцаў Курапатаў штодзённа падтрымоўваюць мясцовыя жыхары. Кажа адзін з іх: “Я тут жыву побач. Калі я сюды першы раз прыйшоў, паглядзеў, што тут моладзь, якой бывае няма чаго есьці, то я ім і каву, і гарбату прыносіў. Бачу, хлопцы за сваю ідэю стаяць. Таму і падтрымліваю гэтых хлопцаў”.
Людзей, якія хочуць хоць чымсьці дапамагчы абаронцам Курапатаў, нямала. У пятніцу вечарам ва ўрочашчы прыйшла маладая сямейная пара. Павітаўшыся з валантэрамі, яны ўзялі рыдлёўкі і пайшлі капаць прамерзлую зямлю, каб падрыхтаваць месца для ўсталяваньня новых крыжоў...
