Апазыцыя па-ранейшаму ня мае доступу да дзяржаўных СМІ :: Хартыя'97 :: Навiны

Бязвынікова скончылася чарговая спроба кіраўніцтва Аб’яднанай грамадзянскай партыі выкласьці эканамічную праграму партыі на Беларускай тэлевізіі. Пра гэта заявіў кіраўнік АГП Анатоль Лябедзька на прэсавай канферэнцыі 6 сьнежня ў Менску. Як вядома, у апошні час АГП выступіла з шэрагам ініцыятываў, накіраваных на пераадоленьне эканамічнага крызісу ў Беларусі. У прыватнасьці, ураду прапанавалі распрацаваную партыяй “Праграму сацыяльна-эканамічных рэфорамў для Беларусі”.

Адначасова ў Нацыянальную радыёкампанію з выканкаму АГП быў аддасланы ліст, у якім старшыня партыі зьвяртаўся да кіраўніцтва БТ з заклікам даць магчымасьць выкласьці сэнс ініцыятывы з тэлеэкрану.

Зварот да выканаўчай улады да гэтага часу застаецца без адказу. Экс-памочнік прэзыдэнта Сяргей Посахаў перад сваёй адстаўкай наклаў на ліст рэзалюцыю “Сьпісаць у справу”. Адзіны адказ прыйшоў зь беларускай тэлевізіі за подпісам намесьніка старшыні кампаніі Аляксандра Зімоўскага. Аднак у гэтым адказе чамусьці ўтрыліваюцца спасылкі на ўрад “адказ на прапанову АГП ураду вам трэба атрымаць ад ураду”.

Як адзначыў Анатоль Лябедзька: “У адпаведнасьці з Канстытуцыяй РБ, палітычныя партыі маюць права доступу да сродкаў масавай інфармацыі. А нам кажуць, што мы павінны рагледзіць па сутнасьці наш зварот”. Далей у адказе, падпісаным Зімоўскім, гаворыыца, што “на падставе вышэйвыкладзенага, паведамляем вам, што да пытаньня далейшага абмеркаваньня (у рабочым парадку) пастаўленых вамі пытаньняў Белтэлерадыёкампанія вернецца пасьля таго, як на ініцыятывы АГП будзе адпаведная рэакцыя”.