Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Адвакаты Рохлінай настойваюць, каб суд наведаў Аляксандар Лукашэнка 11:07, 13/12/2001
У хуткім часе адвакат Анатоль Кучарэна, які абараняе ў судзе Тамару Рохліну, удаву генэрала, дэпутата расейскай Дзярждумы Ільва Рохліна, мае намер заявіць хадайніцтва аб пазове ў суд у якасьці сьведкі Аляксандра Лукашэнкі. Як паведаміў адвакат у тэлефоннай размове з карэспандэнтам БелаПАН, гэта адбудзецца адразу пасьля скачэньня допыту сьведак.
Нагадаем, што справа Тамары Рохлінай, якая абвінавачваецца ў забойстве свайго мужа, паўторна разглядае суд горада Нара-Фамінску Маскоўскай вобласьці. Сваю віну ўдава катэгарычна адмаўляе.
Па словах Анатоля Кучэрэні, Леў Рохлін быў асабіста знаёмы з Аляксандрам Лукашэнкам і размаўляў зь ім. Асноўнай прычынаю неабходнасьці сьведчаньняў у судзе Лукашэнкі зьяўляецца ягонае інтэрвію, апублікаванае ў некаторых газэтах. У іх беларускі лідэр заяўляў пра тое, што папярэджваў генэрала аб магчымасьці замаху. “Праз сродкі масавай інфармацыі, я хацела бы зьвярнуцца да Аляксандра Лукашэнкі, каб ён сьведчыў у судзе”, - сказаў Кучарэна. Пры гэтым адвакат адзначыў, што Крымінальна-працэсуальны кодэкс не дазваляе выкарыстоўваць іншыя формы сьведчаньняў, акрамя допыту ў судзе.
, iнформэр
