Педагогі па-ранейшаму знаходзяцца ў галечы :: Хартыя'97 :: Навiны

Сытуацыя з выплатай заробку па-ранейшаму застаецца напружанай. Асабліва выразна гэта праяўляецца, у прыватнасьці, у сфэры адукацыі. Сьведчаньнем гэтага зьўляюцца шматлікія звароты гарадзенскіх педагогаў ва ўсе магчымыя інстанцыі мясцовай вертыкалі.

Вось што пішуць, напрыклад, смаргонскія педагогі: “Мала таго, што дзяржава не забясьпечвае сваім грамадзянам, у тым ліку і настаўнікам, аплату працы, якая гарантуе ім і іхным сем’ям свабоднае і годнае існаваньне (Канстытуцыя РБ. Арт.42), мясцовыя ўлады не выплочваюць заробак своечасова (ніякімі законамі не прадугледжана). Многія сем’і знаходзяцца на мяжы выжываньня”.

Замест камэнтару старшыня гарадзенскага абкаму прафсаюзу работнікаў адукацыі й навукі Аляксандар Падгайчанка паведаміў наступнае: “Апошнія месяцы ў вобласьці вельмі складаная становішча. Раёны ў нас у асноўным датацыйныя, слабыя. Прамысловасьць не працуе, падаткі ў бюджэт трапляюць са спазьненьнем. Так, на 23 лістапада запазычанасьць па вобласьці складала 1,45 млрд. рублёў. На шчасьце, 30 лістапада яе ўдалося пагасіць. На жаль, паляпшэньне чакаць не даводзіцца. На нядаўняшняй нарадзе ва ўпраўленьні адукацыі гарадзенскага аблвыканкаму начальнік упраўленьня сказаў пра тое, што фінансаваньне адукацыі (абароненыя артыкулы) скарачаецца з 8 да 7 млрд.рублёў”.