Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У Менск прыбыў віцэ-прэзыдэнт расейскага ААТ “Мабільныя ТэлеСыстэмы” Юры Грамакоў. Мэта ягонага прыезду - працяг перамоваў па стварэньні сумеснага беларуска-расейскага прадпрыемства, якое стане другім аператарам сотавай мабільнай сувязі стандарту GSM у Беларусі. Згодна паведамленьню інфармаваных крыніцаў, на якія спасылаецца БелаПАН, Грамакоў мае намер сустрэцца з намесьнікам міністра сувязі Беларусі Ўладзімерам Карповічам і дырэктарам прадпрыемства “Міжгародняя сувязь” Канстанцінам Цікарам.
Чакаецца, што да канца тыдня бакі ўзгодняць устаноўчыя дакумэнты па стварэньні СП, акцыянэрамі якога стануць расейская МТС і беларускае прадпрыемства “Міжгародняя сувязь”. У выпадку пасьпяховага сканчэньня перамоваў афіцыйная рэгістрацыя СП можа адбыцца ў бліжэйшы час. ААТ “МТС” як пераможца тэндэру на права атрыманьня ліцэнзіі ўжо ўнесла ў беларускі бюджэт 10 мільёнаў даляраў ЗША. Распачалася праца па падрыхтоўцы пляцовак для разьмяшчэньня базавых станцый. Мяркуецца, што да канца сьнежня будзе аб’яўлены тэндэр па падбору пастаўшчыка абсталяваньня для новай сеткі.
, iнформэр
