Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Былы дырэктар “Атланту” ня выйдзе з турмы да суда 11:10, 17/12/2001
Кіраўнік сьледчай групы па справе былога генэральнага дырэктара менскага ПА “Атлант” Леаніда Калугіна адмовіў у задавальненьні хадайніцтва аб зьмене ці адмене меры ўтрыманьня адносна абвінавачанага. Нагадаем, Калугін быў затрыманы 21 лістапада і з таго часу знаходзіцца пад вартай у сьледчым ізалятары ГУУС Менгарвыканкаму.
Ён абвінавачваецца ў зьдзяйсьненьні злачынстваў па артыкуле 424, частка 3 (злоўжываньне ўладаю ці службовымі паўнамоцтвамі), 225 (невяртаньне з-за мяжы замежнай валюты) і 233, частка 2 (незаконная прадпрымальніцкая дзейнасьць) Крымінальнага кодэксу Беларусі. Сьледзтва адносна яго вядзе сьледчая група Дэпартамэнту фінансавых расьсьледаваньняў Камітэту дзяржкантролю Беларусі. Калугін сваёй віны не прызнае і лічыць, што ва ўсіх эпізодах, якія фігурыруюць у ягонай крымінальнай справе, ён дзейнічаў выключна ў інтарэсах прадпрыемства.
Хадайніцтва аб зьмене ці адмене меры ўтрыманьня былі пададзеныя абаронай Калугіна, а таксама ім самім. Прычынай адмовы іх задаволіць стала тое, што злачынствы, у якіх абвінавачваецца Калугін, адносяцца да катэгорыі цяжкіх злачынстваў.
, iнформэр
