Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Ганс-Георг Вік: Вярхоўны Савет больш ня можа быць партнёрам для Захаду 11:07, 18/12/2001
У апошнім нумары газэты “Известия” кіраўнік Кансультатыўна-назіральнае групы АБСЭ Ганс-Георг Вік заявіў, што паколькі тэрмін паўнамоцтваў Вярхоўнага Савету 13-га скліканьня скончыўся, то ён ня можа быць паўнавартасным партнёрам для заходніх краінаў. У пісьмовым адказе на просьбу Радыё Свабода пракамэнтаваць ягонае інтэрвію беларускаму выпуску газэты “Известия” Ганс-Георг Вік адзначыў, што на міжнародный арэне Вярхоўны Савет 13-га скліканьня быў прызнаны як легітымна абраны парлямэнт Беларусі.
Далей пасол Вік адзначае: “З завяршэньнем ягонага мандату ў студзені 2001 году парлямэнцкая Асамблея АБСЭ магла прымаць дэпутатаў гэтага парлямэнту напрацягу шасьці месяцаў. Гэта міжнародная практыка, калі вы не спыняеце працу з дзейснымі ўладамі на падставе дэ-факта – незалежна ад дэмакратычнасьці выбараў, якія мелі месца (парлямэнту ці прэзыдэнта)”.
Кіраўнік КНГ АБСЭ таксама піша, што ў сёньняшніх умовах дыялёг парлямэнцкіх асамблеяў эўрапейскіх інстытутаў з уладамі канцэнтруецца на неабходных паляпшэньнях у галіне чатырох крытэраў (выбарчы кодэкс і рамачныя ўмовы, паўнамоцтвы парлямэнту, доступ апазыцыі да сродкаў масавай інфармацыі, спыненьне дыскрымінацыі палітычных апанентаў).
, iнформэр
