Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Карэлія адмаўляецца супрацоўнічаць зь беларускім МАЗам 11:14, 20/12/2001
Кастамукскі горна-абагачальны камбінат (Карэлія) прыняў рашэньне адмовіцца ад далейшага супрацоўніцтва зь Беларускім аўтамабільным заводам. Як паведамілі карэспандэнту “Саюз-інфо” на камбінаце, прычына адмовы ў нізкай якасьці вялікагрузавых БЕЛАЗаў, якія прымяняюцца для вывазу пароды. Паводле дамовы сёлета кіраўніцтва прадпрыемства мае намер пачаць закуп больш дарагой, але якаснай тэхнікі амэрыканскіх і нямецкіх вытворцаў.
БЕЛАЗы пастаўляліся на ГАК з 1979 году – часу заснаваньня камбінату, аднак ад сярэдзіны 90-х гг. пачалася паступовая пераарыентацыя прадпрыемства на выкарыстаньне аўтамашынаў іншых марак. Гібкія сыстэмы аплаты, прапанаваныя заходнімі партнёрамі і высокая якасьць самазвалаў падштурхнула кіраўнікоў прадпрыемства да прыняцьця канчатковага рашэньня аб адмове ад супрацоўніцтва з даўнішнім партнёрам.
, iнформэр
