Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Беларускі МЗС выступіў з жорсткай крытыкай АБСЭ 11:19, 20/12/2001
“Рашэньне аб закрыцьці місіяў АБСЭ ў Латвіі і Эстоніі падрываюць давер да АБСЭ як да аб’ектыўнага і непрадузятага міжнароднага інстытуту”, -- заявіў прэс-сакратар МЗС Павал Латушка. “Рашэньне Сталага камітэту па гэтым пытаньні не прымалася і, на думку беларускага боку, створаны прэцэдэнт пры фармаваньні сваёй палітыкі адносна супрацоўніцтва з АБСЭ”, -- падкрэсьліў П.Латушка.
Нагадаем, што Дзейснае старшынства, якое часова выконвае сёлета Румынія, прыняло рашэньне аб закрыцьці місіяў АБСЭ ў Латвіі й Эстоніі з 1 студзеня 2002 году. Як вядома, гэтыя місіі былі адкрытыя аднымі зь першых у пачатку 90-ых гг., у сувязі з уціскам правоў расейскамоўнага насельніцтва ў гэтых краінах. За гэты час місіі ў пэўнай ступені наблізілі Латвію і Эстонію да выкананьня старндартаў АБСЭ ў галіне правоў чалавека.
Беларускі МЗС упэўнены, што насамрэч стандарты АБСЭ ў Латвіі і Эстоніі не выконваюцца патрэбным чынам, паколькі, на ягоную думку, у гэтых краінах па-ранейшаму масава парушаюцца правы расейскамоўнага насельніцтва. Чаму ў такім выпадку прэтэнзіі да АБСЭ выказвае беларускі МЗС, а расейскае зьнешнепалітычнае ведамства маўчыць, застаеццца толькі здагадвацца.
, iнформэр
