Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Вечарам 20 сьнежня кіраўнік Кансультатыўна-назіральнае групы АБСЭ ў Беларусі Ганс-Георг Вік ладзіў разьвітальны прыём. Прадстаўнікі афіцыйных уладаў Беларусі яго праігнаравалі. На прыёме прысутнічалі замежныя дыпляматы, лідэры палітычных партыяў, кіраўнікі няўрадавых арганізацыяў, журналісты незалежных СМІ. Амбасадар Вік адносна гэтага ў сваёй разітальнай прамове адзначыў: “Сёньня тут вялікая колькасьць гасьцей. Тым не менш, вы не павінны думаць, што мы не запрасілі сюды прадстаўнікоў афіцыйных уладаў. Яны атрымалі запрашэньне так як і вы. Такі інцыдэнт ужо быў сёлета. 15 студзеня, калі мы сьвяткавалі 25-годзьдзе падпісаньне Гэльсынскіх пагадненьняў”. І дадаў, што, хаця асабіста для яго прыйшоў час з’яжджаць зь Беларусі, КНГ АБСЭ будзе працягваць сваю працу паколькі да гэтага часу не выканала галоўную задачу – правядзеньне свабодных і справядлівых выбараў.
Кіраўнік Кансультатыўна-назіральнае групы АБСЭ ў Беларусі Ганс-Георг Вік, які павінен пакінуць краіну 22 сьнежня, выказаў у афіцыйным прэс-рэлізе ўдзячнасьць усім беларускім грамадзянам і заявіў, што ён разглядае супрацоўніцтва зь імі, як самы незабыўны досьвед свайго знаходжаньня ў краіне. Тэрмін працы амбасадара Віка на пасадзе кіраўніка КНГ сканчаецца 31 сьнежня 2001 году – нямецкі дыплямат ачольваў групу АБСЭ ў Менску з моманту ейнага заснаваньня ў 1997 годзе.
Менскае ААТ “Цэнтраэнэргамантаж” будзе прымаць удзел у будаўніцтве атамнай станцыі ў Іране. Як паведаміў “Інтэрфаксу” генэральны дырэктар генэральны дырэктар прадпрыемства І.Дысман, “Цэнтраэнэргамантаж” стаў пераможцам міжнароднага тэндэру па будаўніцтву турбіннага аддзяленьня станцыі.
Аудитор российской Счетной палаты Николай Локтионов сообщил, что Счетная палата и Комитет государственного контроля Республики Беларусь выявили нецелевое использование средств из бюджета «союзного государства» на сумму 180 миллионов рублей. Проверка использования средств бюджета проводилась на совместной коллегии Счетной палаты РФ и Комитета государственного контроля Беларуси за 2000 год и первое полугодие 2001 года.
Па прагнозу МВФ, у 2001 годзе рост эканомікі краінаў СНД дасягне 6,1 %. У лістападзе МВФ прагназаваў эканамічны рост дзяржаваў-удзельніц Садружнасьці на ўзроўні 5,9%. Як паведамілі кар. РІА "Новости" ў пятніцу ў Выканкаме СНД, экспэрты МВФ чакаюць, што ў 2001 годзе рост ВУП у Расеі складзе 5,8%, на Ўкраіне 8,2%, Казахстане – 9%, Беларусі – 3%.
Белорусские предприятия быстро теряет конкурентоспособность в России – Беларускія прадпрыемствы хутка губляюць канкурэнтаздольнасьць у Расеі – у асноўным рынку для беларускіх тавараў, паказала нядаўняе дасьледаваньне Сусьветнага банку. Поўныя вынікі дасьледаваньня будуць апрацаваныя і агучаныя праз два месяцы, але ўжо сёньня можна зрабіць выснову, што ўмовы для прадпрымальніцтва ў Беларусі больш непрыдатныя, чым у іншых краінах былога СССР, дзе праводіліся аналягічныя дасьледаваньні, заявіў 20 сьнежня намесьнік кіраўніка ўкраінскага прадстаўніцтва ВБ Уладзімер Горан Крэачыч у сваім выступе на “круглым стале” у Менску.
Беларусь павялічыць у 2002 годзе пастаўкі харчаваньня ў Маскву. Як паведамілі карэспандэнту РІА "Новости" у пятніцу ў амбасадзе Беларусі ў РФ, прадпрыемствы Менсельгаспраму рэспублікі плянуюць рэалізаваць у расейскай сталіцы 17,5 тыс тонаў мяса (супраць заплянаваных у 2001 годзе 13,9 тыс тонаў), 6 тыс. тонаў жывёльнага масла (5 тыс тонаў), 5 тыс. тонаў сухога малака (4 тыс тонаў), 12 млн банак молочных консэрваў (удвая болей), 4 тыс тонаў цьвёрдых сыроў (3,9 тыс. тонаў), 10 тыс. тонаў бульбы (5 тыс. т.), 30 тыс т. солі. Акрамя таго, на наступны год Беларусь плянуе паставіць у Маскву 5 тыс. т. агародніны.
Сумеснае прадпрыемства "Мабільная лічбавая сувязь" (гандлёвая марка VELCOM) у бліжэйшы час значна пашырыць зону пакрыцьця, паведамілі "Интерфаксу" ў кампаніі. У прыватнасьці, сетка пачне працаваць у Шчучыне, Калінкавічах, Асіповічах, Скідзеле, Бярэзіно й Крычаве. Па словах спэцыялістаў кампаніі, ў пачатку сьнежня тэхнічная служба прадпрыемства забясьпечыла падключэньне ў Сьветлагорску.
Жыхаркі Бабруйску Любоў Санкевіч і Ева Ўсьцімчук адносна якіх суд ленінскага раёну горада Менску вынес пастанову аб адміністратыўным арышце на 10 сутак, вечарам 19 сьнежня былі шпіталізаваныя са спэцпрёмніка-разьмеркавальніка ГУУС Менгарвыканкаму. У іх рэзка падняўся ціск. Аднак месцаў у шпіталі не аказалася, і іх не шпіталізавалі, а адпусьцілі.
Пацьверджаньнем сур’ёзнасьці намераў кіраўніцтва краіны ажыцьцявіць лібэральную трансфармацыю эканомікі стаць “палітычнае прыняцьце асноўнага пакету рэформаў з пасьлядоўнай аператыўнай і дэталёвай ягонай праекцыяй на сыстэму заканадаўства”. Пра гэта заявіў прэзыдэнт Беларускага зьвязу прадпрымальнікаў Аляксандар Патупа на паседжаньні “круглага стала”, прысьвечанаму першым крокам па лібералізацыі беларускай эканомікі, якое прайшло ў Менску 20 сьнежня.
Беларуская апазыцыя пасьля перамогі на прэзыдэнцкіх выбарах Аляксандра Лукашэнкі, падобна, здавацца не зьбіраецца. На днях на Ўкраіну зь неафіцыйным візытам прыбыў віцэ-сьпікер Вярхоўнага Савету Беларусі, галава апазыцыйнай Аб’яднанай Грамадзянскай партыі Анатоль Лябедзька. Карэспандэнту “Сегодня” ён даў эксклюзіўнае інтэрвію, якое мы прапануем да ўвагі нашых чытачоў.
Аляксандар Чыгір заўляе ў судзе, што ня краў аўтамабіляў і заяўляе, што падазрае сьледчых у адтасоўцы фактаў. У Ленінскім раённым судзе Менску, дзе йдзе працэс над сынам былога прэм’ер-міністра Міхаіла Чыгіра, учора ўвесь дзень высьвятлялася пра ягоны ўдзел у справе злачыннай групоўкі выкрадальнікаў аўтамабіляў, пры гэтым ён ня выключае, што канфіскаваныя ў яго запчасткі маглі апазнаць ахвяры ўгонаў.
Пастановаю Савету міністраў зацьверджана палажэньне аб Міністэрстве замежных спрваў Рэспублікі Беларусь. У адпаведнасьць з указам Лукашэнкі “Аб удасканаленьні сыстэмы рэспубліканскіх органаў дзяржаўнага кіраваньня й іншых дзяржаўных арганізацыяў, падпарадкваных ураду РБ” частка фукцыяў МЗС у галіне зьнешнепалітычнай дзейнасьці дзяржавы перададзеныя міністэрствам эканомікі й гандлю. Згаданым міністэрствам перададуць частку пэрсаналу й штатных пасадаў. У сувязі з гэтым агульная колькасьць супрацоўнікаў МЗС плянуецца скараціць на 61 адзінку. Колькасьць структурных падразьдзяленьняў скарачаецца з 34 да 25.
Агульнарасейскія аб’яднаньні прафэсійных саюзаў. члены Міжнароднай канфедэрацыі свабодных прафсаюзаў – Федэрацыя незалежных прафсаюзаў Расеі, Усерасейская канфедэрацыя працы й Канфедэрацыя працы Расеі з закляпочанасьцю ўспрыняла прыняцьце Саветам міністраў Беларусі пастановы “Аб мерах па абароне правоў членаў прафэсійных саюзаў”, палажэньні якіх істотна ўціскаюць базавыя правы прафсаюзаў. Прыводзім тэкст заявы, у якой расейскія прафсаюзы выказваюць пратэст супраць прыняцьця гэтай пастановы.
Сёньня пабачыць сьвет чарговы нумар крычаўскай газэты “Вольны горад”. Незарэгістраванае выданьне выходзіць у Крычаве з 20 красавіка 1998 года накладам 299 асобнікаў. 7 верасьня, напярэдадні выбараў, супраць ягоных супрацоўнікаў была ўзбуджана справа, а аргтэхніка канфіскаваная..
З новага году польскі ўрад вырашыў зьменшыць нормы ўвозу ў краіну алкагольных напояў і цыгарэтаў. Для тысячаў жыхароў беларускага памежжа, якія ўвозяць такія тавары на продаж у Польшчу – гэта азначае адсутнасьць заробку, які часам зьяўляецца адзінай крыніцай даходаў.
Сьпіс ліцэнзіяў на розьнічны гандаль і аказаньне паслугаў грамадзянам за замежную валюту скарочаны. Галоўныя ўпраўленьні Нацыянальнага банку па абласьцях і Менску будуць выдаваць іх толькі на рэалізацыю паліва на аўтазаправачных станцыях. Розьнічны гандаль і аказаньне паслугаў на аўтадарогах з індэксам “М”. Страхавую дзейнасьць, розьнічны продаж тавараў у крамах бяспошлінага гандлю. Такое рашэньне прынятае праўленьнем галоўнай банкаўскай установы Беларусі, якое ўнесла адпаведныя зьмены й дапаўненьні ў палажэньне аб парадку ажыцьцяўленьня розьнічнага гандлю й аказаньня паслугаў грамадзянаў за замежную валюту на тэрыторыі краіны.
, iнформэр
