Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
На заводзе пускавых рухавікоў ня выплачаны заробак нават за кастрычнік 11:03, 22/12/2001, www.praca.by
Гомельскі завод пускавых рухавікоў у цяжкім фінансавым становішчы. На заводзе падлічылі: калі выйсьці на ўзровень аб’ёмаў вытворчасьці ў 650-700 міліёнаў рублёў, то сярэдні заробак на прадпрыемстве складзе 170 тысячаў рублёў (крыху болей за 100 даляраў). Прычым тут улічваецца ня толькі сама вытворчасьць, але й магчымасьці рэалізацыі прадукцыі. Аднак на сёньняшні час тут выпускаецца прадукцыі менш – на 420 млн.рублёў, што натуральна ўплывае на заробак. На заводзе толькі нядаўна разьлічыліся з работнікамі за верасень. А каб выплаціць кастрычніцкі заробак, і разьлічыцца з падаткамі, прадпрыемству трэба дзесьці адшукаць яшчэ каля 15 міліёнаў. Пра лістпадаўскую размова нават ня йдзе.
Прычына такога гаротнага становішча тая самая, што і на астатніх прдпрыемствах: для нарошчваньня аб’ёмаў вытворчасьці не хапае зваротных сродкаў, а гэтаму, трэба сказаць, садзейнічала й выкручваньне рук кіраўнікам пад папулісцкім лёзунгам “Даеш заробак!”
, iнформэр
