Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Тарыфы на жыльлёва-камунальныя паслугі вырасьлі на 33-143 адсоткі 11:10, 26/12/2001
У сьнежні зноў вырасьлі тарыфы на жыльлёва-камунальныя паслугі для насельніцтва. На 3,7 адсоткі павялічылася кватэрная плата (тэхабслугоўваньне) і плата за карыстаньне ліфтам, на столькі сама падаражэлі гарачая вада, ацяпленьне, халодная вада і каналізацыя, вываз і абяшкоджаньне сьмецьця. Газ падаражэў на 19,2 адсоткі.
Для жыхароў Менску тарыф на халодную ваду й каналізацыю павялічыўся з 81,5 да 84,5 рублі за кубічны мэтар, газ - з 216,9 да 258,6, вываз сьмецьця - з 85,95 да 89,13, плата за карыстаньне ліфтам - з 98,79 да 102,44 рублёў на чалавека, за ацяпленьне - з 142,8 да 148 рублёў за квадратны мэтар агульнай плошчы. Кошт адной гігакалорыі цеплавой энэргіі, якая йдзе на падагрэў вады, павялічыўся з 5.249,7 да 5.444 рублёў.
Стаўка кватэрнай платы (тэхабслугоўваньне), адзіная для ўсёй краіны, вырасла з 11,34 да 11,76 рублёў за квадратный мэтар агульнай плошчы.
Па выніках 2001 году плата за карыстаньне ліфтам вырасла на 38,4 адсоткі, кватэрная плата - на 38,5, плата за карыстаньне радыёкропкай - на 39, халодная вада й каналізацыя падаражэлі на 74,6 адсоткі, вываз сьмецьця - на 94,4, газ - у 2,34 разы, гарачая вада і ацяпленьне - у 2,43 разы. Кошт адной кілаватгадзіны электраэнэргіі для насельніцтва павялічылася на 33,3 адсоткі. У 2000 годзе рост тарыфаў склаў ад 75 адсоткаў (радыёкропкі) да 10 разоў (электраэнэргія).
