Міжнародныя прафсаюзы патрабуюць адмены незаконнай пастановы :: Хартыя'97 :: Навiны

“Забарона сыстэмы безнаяўнага пералічэньня прафсаюзных унёскаў зьяўляецца парушэннем Канвэнцыі №87 МАП, якая ўстаноўлівае паўсюднае права работнікаў на свабоду аб’яднаньня”, -- гаворыцца ў лісьце генэральнага сакратара Міжнароднага саюзу работнікаў харчовай і тытунёвай прамысловасьці, сельскай гаспадаркі, абслугоўваньня рэстарацыяў і гатэляў, грамадзкага харчаваньня й сумежных галінаў Рона Освальда Аляксандру Лукашэнку.

“Паважаны спадар Прэзыдэнт, -- гаворыцца ў заяве, -- мы маем інфармацыю адносна апошняга ў чарзе пасягальніцтваў на асноўныя правы прафсаюзаў у Беларусі ўрадавым Указе №1804, падпісаным 14 сьнежня. Пазбаўляючы работнікаў права ўплочваць свае членскія ўнёскі праз безнаяўную сыстэму, дадзены ўказ непасрэдна пагражае фінансавай незалежнасьці прафсаюзаў і іхнай здольнасьці эфектыўна абараняць умовы працы й жыцьця беларускіх працоўных.

Забарона сыстэмы безнаяўнага пералічэньня прафсаюзных унёскаў зьяўляецца парушэньнем Канвэнцыі №87 МАП, якая ўстаноўлівае права працоўных на свабоду аб’яднаньня. Ад імя больш чым 11 міліёнаў працоўных, што былі прадстаўленыя IUF, я ўпаўнаважаны заклікаць ваш урад неадкладна адмяніць гэты ўказ, які парушае міжнароднае права, практыку і дэмакратычныя нормы. IUF будзе падтрымоўваць барацьбу прафсаюзаў у вашай краіне, каб адмяніць гэты адыёзны ўказ, выкарыстоўваючы ўсе магчымыя для нас сродкі. І мы будзем рэгулярна інфармаваць нашых сябраў аб прагрэсе ў вырашэньні гэтай сытуацыі.

Шчыра Ваш,

Рон Освальд

Генэральны Сакратар”.