 | ПАЛIТЫКА | |
У Курапатах зноў усталяваны мэмарыяльны знак ахвярам рэпрэсыяў
11:23, 15/01/2002
Ва ўрочышчы Курапаты адбылася цырымонія адкрыцьця адбудаванага мэмарыяльнага знаку “Ад народу ЗША народу Беларусі”. Мэмарыяльны знак ва ўрочышчы Курапаты на месцы масавых захаваньняў ахвяраў сталінскіх рэпрэсіяў быў усталяваны 15 студзеня 1994 году. У ягоным адкрыцьці прымаў удзел прэзыдэнт ЗША Біл Клінтан, аднак летам мінулага году ён пацярпеў ад дзеяньняў вандалаў. У цырымоніі адкрыцьця адноўленага за кошт амбасады ЗША мэмарыяльнага знаку прыняў удзел Надзвычайны й Паўнамоцны Амбасадар ЗША ў Беларусі Майкл Козак. У сваім выступе дыплямат заявіў, што дадзены мэмарыяльны знак зноў адноўлены ў памяць аб ахвярах сталінскіх рэпрэсіяў, бо толькі памяць аб той трагедыі можа прадухіліць ейнае паўтарэньне. Пасьля гэтага Козак запаліў на лаве сьвечку й папрасіў усіх прысутных памянуць людзей, захаваных у Курапатах, хвілінаю маўчаньня. 
11:22, 15/01/2002, Sueddeutsche Zeitung
Жонкі шасьці беларускіх дысыдэнтаў, зьніклых, арыштаваных ці загінулых пры нявысьветленых абставінах, зьвярнуліся зь лістом да польскага прэзыдэнта Аляксандра Квасьнеўскага, у якім утрымлівалася просьба аб тым, каб Квасьнеўскі ад свайго імя папрасіў крамлёўскага гаспадара Ўладзімера Пуціна дапамагчы высьветліць лёс іхных мужоў. Заўтра, у сераду, Пуціна чакаюць у Польшчы зь дзяржаўным візытам.
11:21, 15/01/2002
Уладзімер Малей і Генадзь Самойленка, зьмешчаныя па рашэньні суда Ленінскага раёну Берасьці ў ізалятар часовага ўтрыманьня на 15 сутак, зьвярнуліся да амбсадара КНГ АБСЭ у Беларусі з просьбай паведаміць кіраўніцтву АБСЭ і Эўрапарлямэнту “пра новыя факты парушэньняў беларускімі ўладамі артыкулу 19 Пакту “Аб грамадзянскіх і палітычных правох”.
11:20, 15/01/2002
Министерство промышленности упразднила трудовой договор с Михаилом Леоновым в связи с возбуждением в отношении его уголовного дела. С 14 января Леонов освобожден от должности генерального директора Минского тракторного завода по статье 259 Трудового кодекса РБ. В приказе по Министерству промышленности сообщается, что основанием для упразднения трудового договора с Леоновым и освобождении его с занимаемой должности является письмо администрации президента от 11 января № 12/124-22 и поручение Совмина от 14 января № 07/105-44. Еще 9 января прокуратурой сообщалось, что Леонов был отстранен от занимаемой должности по решению Лукашенко после доклада генпрокурора Виктора Шеймана.
11:19, 15/01/2002
Российские инвесторы будут участвовать в приватизации белорусских предприятий на общих основаниях. Об этом шла речь во время встречи заместителя министра имущественных отношений России Владимира Мамигонова в Департаменте по управлению государственным имуществом при Минэкономики Беларуси, сообщает ИА «Экопресс».
11:18, 15/01/2002
Губэрнатар Кемераўскай вобласьці Аман Тулееў прапанаваў Аляксандру Лукашэнку стварыць на тэрыторыі Кузбасу першы міжнародны вугальны разрэз. Як паведамілі ў прэс-службе губэрнатара, у лісьце на імя беларускага лідэра, у прыватнасьці, адзначаецца, што гэтая ідэя прагучала яшчэ ў сьнежні, падчас знаходжаньня ўрадавай дэлегацыі Беларусі ў Кемерава. Аднак тады беларускі бок не задаволіў кошт будаўніцтва разрэзу – 430 млн. рублёў. Сёньня, адзначаецца ў лісьце Амана Тулеева, зьявіліся новыя рацыянальныя прапановы, якія зьмяншаюць кошт разрэзу ў два разы, за кошт прымяненьня лізінгу і іншых навацыяў.
11:17, 15/01/2002
Афіцыйны візыт дэлегацыі “нацыянальнага сходу” на чале са старшынём “савету рэспублікі” Аляксандрам Вайтовічам у Кітай адбудзецца 17-24 студзеня. Праграма візыту прадугледжвае перамовы са старшынём Сталага камітэту Ўсекітайскага сходу народных прадстаўнікоў Лі Пэнам, намесьнікам старшыні КНР Ху Цзыньтао, намесьнікам прэм’ера Дзяржаўнага савету краіны Цянь Цічэнем. Члены дэлегацыі маюць намер наведаць правінцыю Хубэй, зь якой супрацоўнічае Берасьцейская вобласьць, а таксама гарады Ухань, Шэньчжэнь, Сяогань, Шуньдэ і Гуяньчжоў.
11:16, 15/01/2002
На мінулым тыдні ААТ “Крыніца” наведала ўрадавая камісія на чале зь віцэ-прэм’ерам Аляксандрам Папковым. Мэта візыту – ацэнка вынікаў першага этапу рэканструкцыі заводу ў рамках інвэстыцыйнага праэкту “Балтыка-Крыніца”. Між тым стала вядома, што ў сакавіку выпуск новага піва на ААТ “Крыніца”, як плянавалася па графіку, не пачнецца, паведамляе “Белорусская газета”.
11:15, 15/01/2002
В 2001 году зафиксировано снижение темпов роста белорусской экономики. По сведениям Министерства статистики и анализа, объем валового внутреннего продукта вырос на 4,1 процента против 5,8 процента в 2000 году. Выпуск промышленной продукции увеличился на 5,4 процента (на 7,8), сельскохозяйственной - на 1,8 (на 9,3).
11:14, 15/01/2002
Літаральна за тры дні да новага году запазычанасьць па заробку на Гомельшчыне скрацілася з больш чым з мільярда рублёў да 20 зь невялікім мільёнаў рублёў. Прарыў адбыўся ў асноўным за кошт крэдытаў пад заробак. Гэта непазьбежна скажаецца ўжо пры выплаце заробку за сьнежань. Але пасьля. А пакуль заданьне зьверху вобласьць выканала.
11:13, 15/01/2002
Згодна прагнозу сацыяльна-эканамічнага разьвіцьця сталіцы на 2002 год, сёлета зьнізіцца попыт на працоўную сілу ў шэрагу галінаў матэрыяльнае вытворчасьці, а гэта, у сваю чаргу, прывядзе да павелічэньня колькасьці працаздольнага насельніцтва, незанятага ў эканоміцы (прасьцей, да росту беспрацоўя). Згодна прагнозу ўзровень беспрацоўя ў Менску к канцу 2002 году складзе 1,6 адсоткаў эканамічна актыўнага насельніцтва, паведамляе «Вечерний Минск».
11:12, 15/01/2002
Для скарачэньня выдаткаў забесьпячэньня цяплом бюджэтнікаў і насельніцтва камунальныя службы Беларусі з пачатку году зьнізілі тэмпературу гарачай вады, а ў начны час дзе-небудзь наогул адключаюць яе. Моцныя маразы запатрабавалі значна большага, чым звычайна, расходу паліўных рэсурсаў на ацяпленьне і гарачае водазабесьпячэньне. Зараз камунальныя службы вымушаныя эканоміць. У першую чаргу пацярпець давядзецца тым, хто атрымоўвае цяпло ад кацельных на цьвёрдым і газападобным паліве, а гэта больш за палову ўсіх кацельняў жальлёва-камунальнай гаспадаркі краіны.
11:11, 15/01/2002
На судовым працэсе ў Мадрыдзе па справе аб спробе ўвозу ў Гішпанію 11 тонаў какаіну сярод 36 абвінавачанных гішпанцаў і лацінаамэрыканцаў праходзяць таксама 10 маракоў з Расеі, 3 зь Беларусі і 3 з Эстоніі. Такія ўдакладнёныя дадзеныя паведамілі ў аўторак РІА “Новости” у судовых крыніцах Гішпаніі. Яшчэ адзін расеец, 65-гадовы старпам тральшчыка “Таамсаарэ”, на якім калюмбійскія і гішпанскія наркамафіозі перавозілі груз какаіну, загінуў падчас штурму судна гішпанскім спэцназам.
11:10, 15/01/2002
Людміла Карпенка, жонка памерлага 6 красавіка 1999 году пры загадкавых абставінах актыўнага апанента рэжыму Лукашэнкі віцэ-сьпікера Вярхоўнага Савету 13-га скліканьня Генадзя Карпенкі, папарасіла палітычнага прытулку ў Нямеччыне. Нагадаем, што Людміла Філіпаўна выехала ў Нямеччыну разам са сваёй сям’ёй – сынам, нявесткай і ўнучкай – некалькі тыдняў таму. Людміла Карпенка ўзначальвае “Фонд імя Генадзя Карпенка”, які займаецца расьсьледаваньнем гібелі ейнага мужа. У выпадку атрыманьня палітычнага прытулку, дзейнасьць фонду яна будзе каардынаваць зь Нямеччыны і знаёміць сусьсветную грамадзкасьць пра загадкавыя зьнікненьні й сьмерці вядомых у Беларусі людзей – Генадзя Карпенкі, Віктара Ганчара, Анатоля Красоўскага, Зьмітра Завадзкага, Юры Захаранкі. Нагадаем, што палітычны прытулак у Нямеччыне ўжо атрымала сям’я зьніклага больш за два гады таму экс-міністра ўнутраных справаў Юры Захаранкі. Людміла Карпенка ня раз паведамляла пра сталы ўціск з боку ўладаў, які ёй і ейнай сям’і давялося зьведаць на Беларусі. Размова йшла аб праблеме працаўладкаваньня, праслухоўваньня кватэры і тэлефонаў, сочцы...
11:09, 15/01/2002, The Washington Times
Марк Пальмэр, Эрык А. Віт і Курт Басэнэр
Нязносны, карумпаваны рэжым, які дапамагаў у заснаваньні, фінансаваньні й дыпляматычнай падтрымцы Талібану, усё яшчэ лічыцца «сяброўскім» для Амэрыкі. Дыктатарскі рэжым у Саўдаўскай Аравіі, адзіным клопатам якога насамрэч зьяўляецца ўтрыманьне ўлады, ніколі ня можа быць надзейным саюзьнікам ЗША. Адміністрацыя ЗША калі мае справу з шырокай тактычнай кааліцыяй, якая ўключае і іншыя аўтарытарныя рэжымы, што пануюць ва Ўзбекістане, Пакістане, Эгіпце й Кітаі, павінна ўлічваць іхнія «заслугі». Амэрыканскія й брытанскія лётчыкі над Іракам рызыкуюць з-за сыстэмаў СПА ўдасканаленых дзякуючы тэхнічнай дапамозе й навучаньню з боку Югаславіі (у часы Мілошавіча), Беларусі й Кітая. Такія дыктатуры ня толькі ненадзейныя партнёры – яны нараджаюць тых самых тэрарыстаў, над якімі мы павінны зараз атрымаць перамогу. Клопат аб інтарэсах Амэрыкі, уключна з выкараненьнем прычынаў тэрарызму, будзе патрабаваць падтрымкі дэмакратычнага кіраваньня па ўсім сьвеце.
11:08, 15/01/2002
Былога дырэктара “Атланту” Леаніда Калугіна зьмесьцілі ў псыхіятрычны шпіталь “Навінкі” ў мінулую сераду, але адвакату пра гэта стала вядома толькі вечарам у пятніцу ад сваякоў Калугіна. Адвакат Пыльчанка ўпэўнены, што сьледзтва наўмысна абыйшло закон, які патрабуе адмысловае пастановы сьледчага, калі арыштанта неабходна зьмесьціць на экспэртызу ў стацыянар.
11:07, 15/01/2002, Радыё Свабода
Гомельскае сьледчае ўпраўленьне прад`явіла афіцыйнае абвінавачаньне дырэктару Гомельскага радыёзаводу Анатолю Кірыкаву, якога арыштавалі 5 студзеня. Як паведаміў начальнік аддзелу эканамічных злачынстваў сьледчага ўпраўленьня Міхаіл Загорскі, дырэктару Кірыкаву прад`явілі абвінавачаньне згодна артыкулу 424, часткі 3 КК РБ – злоўжываньне ўладаю ці службовымі паўнамоцтвамі, што прывяло да цяжкіх наступстваў. Артыкул прадугледжвае пазбаўленьне свабоды на тэрмін да васьмі гадоў з канфіскацыяй маёмасьці. Сьледчае ўпраўленьне лічыць, што дырэктар наўмысна падпісаў кантракт на пастаўку мэблевых гарнітураў у Нямеччыну і тым самым нанёс урон прадпрыемству на 87 міліёнаў рублёў.
11:05, 15/01/2002, yusnews.info
16 студзеня павінен адбыцца чарговы сход акцыянэраў ААТ “Белорусская газета». Згодна патрабаваньню некаторых акцыянэраў, на сходзе будуць абмяркоўвацца пытаньні фінансаваньня гэтага расейска-беларускага прадпрыемства за мінулы год. Але да гэтага часу дакумэнтаў акцыянэры не атрымалі.
11:04, 15/01/2002
На мінулым тыдні (7-13 студзеня ) курс даляру ЗША да беларускага рубля вырас на большасьці сэгмэнтаў валютнага рынку. Акрамя таго, працягваў павялічвацца разрыў паміж біржавым (афіцыйным) і рынкавымі курсамі даляру (ён дасягнуў амаль 5 адсоткаў), а таксама паміж рынкавымі й банкаўскімі. Апошняе, па зьвестках з камэрцыйных банкаў, зьвязана зь негалосным указаньнем Нацыянальнага банку не пераўзыходзіць 60-рублёвую розьніцу паміж афіцыйнай і банкаўскімі каціроўкамі амэрыканскай валюты.
11:03, 15/01/2002
У сьнежні ў Беларусі зафіксаваны самы высокі ў 2001 годзе рост спажывецкіх коштаў - на 5,5 адсоткаў. Папярэдні рэкорд належаў студзеню - 4,8 адсоткаў. За год кошты ўзрасьлі на 46,1 адсоткі, што некалькі вышэй за восеньскія прагнозы ўраду (42 - 45 адсоткаў).
11:02, 15/01/2002
В Беларуси продолжают увеличиваться темпы инфляции. По сведениям Министерства статистики и анализа, за первую неделю января потребительские цены в стране выросли на 1,9 процента. Более высокие темпы цен за первую неделю месяца были зафиксированы в апреле 2001 года (2 процента). За первую неделю декабря 2001 года цены выросли на 1,7 процента, за первую неделю января 2001 года - на 1,4 процента.
11:01, 15/01/2002
У Беларусі адбылося першае ў новым годзе павышэньне коштаў на белую гарэлку. Кошт гэтага алкагольнага напою ўзрос на 2,5 адсоткі. Зараз, да прыкладу, у рознічным гандлі паўлітровая "вінтавая" бутэлька гарэлкі "Крышталь-100" каштуе 2.102 рублі (раней - 2.053), "Белая Русь" , "Крышталь-люкс" - 2.171 (2.119), "Белая Русь-люкс", "Крышталь-люкс новы" - 2.249 (2.196).
| |
|
, iнформэр
