Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Наяўныя сродкі, якія ёсьць у Менскага трактарнага завода, дазваляюць яму працаваць два дні – 21 і 22 студзеня. Пра гэта БелаПАН паведаміў прэсавы сакратар МТЗ Вадзім Біцан. Паводле ягоных словаў, сур’ёзныя праблемы ў прадпрыемства пачаліся пасьля распачатай крымінальнай справы адносна генэральнага дырэктара Міхаіла Лявонава і ягонага арышту. На гэта, а таксама на заявы аб тым, што крымінальныя справы ўзбуджаныя адносна яшчэ некалькіх службовых асобаў МТЗ, адрэагавалі як пастаўшчыкі камплектуючых, так і пакупнікі прадукцыі, якія раней рабілі папярэднюю аплату за тэхніку, адначыў В.Біцан.
Так, паводле ягоных словаў, у канцы мінулага тыдня Туркмэністан адмовіўся пералічваць грошы згодна заключанаму кантракту на пастаўку 1.000 трактароў. МТЗ заявіў, што грошы будуць пералічаныя толькі пасьля таго, як трактары прыбудуць у краіну.
На мінулым тыдні з-за адсутнасьці камплектуючых МТЗ стаяў 17 і 18 студзеня, паведаміў прэсавы сакратар. “Завод так ніколі не працаваў”, - адзначыў ён. Са словаў В.Біцана, кіраўніцтва прадпрыемства зьвярталася да гарадзкіх уладаў, Міністэрства прамысловасьці і ўраду, але безвынікова.
На дадзены момант на заводзе працягваецца збор подпісаў у падтрымку Лявонава.
